ಚೆನ್ನಕೇಶವ ದೇವಸ್ಥಾನ ನೂತನ ಬ್ರಹ್ಮ ರಥ ಪ್ರಯಾಣ ಕ್ಕೆ ಕೋಟೇಶ್ವರ ದಲ್ಲಿ ಚಾಲನೆ

 ಶಾಸಕ ಗುರುರಾಜ್ ಗಂಟಿಹೊಳೆ, ಕಿರಣ್ ಕೋಡ್ಗಿ ಪ್ರಮುಖರ ಭಾಗಿ

ಕೋಟೇಶ್ವರ:ಸುಳ್ಯ ಶ್ರೀ ಚೆನ್ನಕೇಶವ ದೇವಸ್ಥಾನಕ್ಕೆ ಡಾ.ಕೆ.ವಿ.ಚಿದಾನಂದ ಗೌಡ ಹಾಗೂ ಮನೆಯವರಿಂದ ಸಮರ್ಪಣೆ ಮಾಡುವ ಬ್ರಹ್ಮರಥ ಕೋಟೇಶ್ವರದಿಂದ ಸುಳ್ಯಕ್ಕೆ ಡಿ.24ರಂದು ಬೆಳಿಗ್ಗೆ ಪ್ರಯಾಣ ಆರಂಭಿಸಿತು. ಬೆಳಿಗ್ಗೆ ಕೋಟೇಶ್ವರದ ಶ್ರೀ ಕೋಟಿಲಿಂಗೇಶ್ವರ ದೇವಸ್ಥಾನದಲ್ಲಿ ಬ್ರಹ್ಮರಥಕ್ಕೆ ಪೂಜೆ ಸಲ್ಲಿಸಿದ ಬಳಿಕ ಸುಳ್ಯಕ್ಕೆ ರಥ ಪ್ರಯಾಣ ಆರಂಭಿಸಿತು. ಬೈಂದೂರು ಶಾಸಕರಾದ ಗುರುರಾಜ್ ಗಂಟಿಹೊಳೆ ರಥ ಪ್ರಯಾಣಕ್ಕೆ ಚಾಲನೆ ನೀಡಿದರು. ಅಕಾಡೆಮಿ ಆಫ್ ಲಿಬರಲ್ ಎಜ್ಯುಕೃಷನ್‌ನ ಪ್ರಧಾನ ಕಾರ್ಯದರ್ಶಿ ಅಕ್ಷಯ್ ಕೆ.ಸಿ., ಕಾರ್ಯದರ್ಶಿ ಕೆ.ವಿ.ಹೇಮನಾಥ

ಬ್ರಹ್ಮರಥ ಸಮರ್ಪಣಾ ಸಮಿತಿಯ ಅಧ್ಯಕ್ಷ ನಾರಾಯಣ ಕೇಕಡ್ಯ, ಪ್ರಧಾನ ಕಾರ್ಯದರ್ಶಿ ಡಾ.ಲೀಲಾಧರ ಡಿ.ವಿ. ಕೃಪಾಶಂಕರ ತುದಿಯಡ್ಕ, ಚಂದ್ರಶೇಖರ ಪೇರಾಲು, ಗಣೇಶ್ ಆಳ್ವ, ಸನತ್.ಪಿ.ಆರ್. ಡಾ.ಪುರುಷೋತ್ತಮ ಕೆ.ಜಿ., ಅವಿನಾಶ್ ಕುರುಂಜಿ, ರಜತ್ ಅಡ್ಯಾರ್, ಶೈಲೇಶ್ ಅಂಬೆಕಲ್ಲು, ಹರೀಶ್ ಉಬರಡ್ಕ ಆಯ್ಕೆ.

23ರಂದು ಸಂಜೆ ಬ್ರಹ್ಮರಥ ಶಿಲ್ಪಿ ರಾಜಗೋಪಾಲ ಆಚಾರ್ಯರ ಶಿಲ್ಪಕಲಾ ಶಾಲೆ ಕೋಟೇಶ್ವರದಲ್ಲಿ ರಥಪೂಜೆ ನಡೆಯಿತು. ಇಂದು ಬಿ.ಸಿ. ರೋಡ್. ಮಾಣಿ ಹಾಗೂ ಪುತ್ತೂರಿನಲ್ಲಿ ವಿಶೇಷ ಸ್ವಾಗತ ಕೋರಿ ಪುತ್ತೂರಿನ ತೆಂಕಿಲದಲ್ಲಿ ತಂಗುವ ರಥ ಡಿ.25ರಂದು ಅಪರಾಹ್ನ 2 ಗಂಟೆಗೆ ಬ್ರಹ್ಮರಥವು ಕನಕಮಜಲಿಗೆ ಆಗಮಿಸಲಿದೆ.

ಆತ್ಮರಾಮ ಭಜನಾ ಮಂದಿರದಿಂದ ವಾಹನ ಮೆರವಣೆಗೆಯೊಂದಿಗೆ ಶಾಸ್ತ್ರಿ ವೃತ್ತಕ್ಕೆ ಆಗಮಿಸಲಿದೆ. ಅಪರಾಹ್ನ 3 ಗಂಟೆಗೆ ಬ್ರಹ್ಮರಥವನ್ನು ಬ್ಯಾಂಡ್, ವಾಲಗ, ವೇದ ಘೋಷ ಹಾಗೂ ಕುಣಿತ ಭಜನೆಯೊಂದಿಗೆ ವೈಭವದಿಂದ ದೇವಳದ ರಾಜಗೋಪುರದ ಬಳಿ ಸ್ವಾಗತಿಸಲಾಗುವುದು.

ಡಿ.31ರಂದುಪೂ. ಗಂಟೆ 10ಕ್ಕೆ ಡಾ. ಕೆ. ವಿ. ಚಿದಾನಂದ ಹಾಗೂ ಮನೆಯವರಿಂದ ದೇವಳದ ತಂತ್ರಿವರ್ಯರ ಸಮಕ್ಷಮದಲ್ಲಿ ಬ್ರಹ್ಮರಥ ಸಮರ್ಪಣಾ ಕಾರ್ಯಕ್ರಮ. ಜ.1ರಂದು ರಾತ್ರಿ ಗಂಟೆ 7.0080

ಬ್ರಹ್ಮ ರಥದ ಆಲಯಕ್ಕೆ ಸ್ಥಳ ಶುದ್ಧಿ, ಪ್ರಾಸಾದ ಶುದ್ಧಿ, ವಾಸ್ತು ಹೋಮ, ವಾಸ್ತುಪೂಜೆ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮಗಳು ನಡೆಯಲಿದೆ.

ಜ.2.ರಂದು ಬೆಳಿಗ್ಗೆ 7ರಿಂದ ಗಣಹೋಮ, ಕಲಶಾಭಿಷೇಕಗಳು ಹಾಗೂ ಪೂರ್ವಾಹ್ನ 9.15ರಿಂದ 9.35ರ ನಡುವಿನ ಮಕರ ಲಗ್ನದ ಸುಮೂರ್ಹತದಲ್ಲಿ ಬ್ರಹ್ಮರಥದ ಭೂ ಸ್ಪರ್ಶ, ಬ್ರಹ್ಮರಥ ಪೂಜೆ, 10 ಗಂಟೆಗೆ ಧಾರ್ಮಿಕ ಸಭೆ ಮಧ್ಯಾಹ್ನ ಮಹಾಪೂಜೆ, ಪ್ರಸಾದ ವಿತರಣೆ ಹಾಗೂ ಅನ್ನಸಂತರ್ಪಣೆ ನಡೆಯಲಿದೆ.