ʻಸರಿಗಮಪʼ ಸಿಂಗಿಂಗ್‌ ಶೋ ಮೂಲಕ ಖ್ಯಾತಿ ಪಡೆದ ಗಾಯಕಿ ಸುಹಾನಾ ಸೈಯದ್ ಅವರು ತಮ್ಮ ಪತಿ ನಿತಿನ್ ಶಿವಾಂಶ್‌ ಅವರೊಂದಿಗೆ ಮಂತ್ರಾಲಯಕ್ಕೆ ಭೇಟಿ ನೀಡಿ ರಾಯರ ದರ್ಶನ ಪಡೆದಿದ್ದಾರೆ. ಇತ್ತೀಚೆಗೆ ನಿತಿನ್ ಶಿವಾಂಶ್‌ ಅವರೊಂದಿಗೆ ಮಂತ್ರಮಾಂಗಲ್ಯದ ಮೂಲಕ ಸುಹಾನಾ ವಿವಾಹವಾಗಿದ್ದರು. ತಮ್ಮ ಮದುವೆಗೆ ಎರಡೂ ಕುಟುಂಬಗಳ ಒಪ್ಪಿಗೆ ಸಿಗಬೇಕೆಂಬ ಪ್ರಾರ್ಥನೆ ರಾಯರ ಕೃಪೆಯಿಂದ ಈಡೇರಿದೆ ಎಂದು ಸುಹಾನಾ ಸೈಯದ್ ಬರೆದುಕೊಂಡಿದ್ದಾರೆ.“ಪ್ರತಿ ಬಾರಿ ನಾನು ಮಂತ್ರಾಲಯಕ್ಕೆ ಬಂದಾಗಲೂ, ನಮ್ಮಿಬ್ಬರ ಕುಟುಂಬಗಳ ಆಶೀರ್ವಾದದೊಂದಿಗೆ ನಮ್ಮ ಮದುವೆ ನಡೆಯಲಿ ಎಂದು ಒಂದು ಪವಾಡಕ್ಕಾಗಿ ಪ್ರಾರ್ಥಿಸುತ್ತಿದ್ದೆ. ಒಂದು ದಿನ ನಾನು ನಿತಿನ್ ಜೊತೆ ಇಲ್ಲಿಗೆ ಹಿಂತಿರುಗುತ್ತೇನೆ ಎಂದು ಆಶಿಸುತ್ತಾ ನಾನು ಯಾವಾಗಲೂ ಕಣ್ಣಲ್ಲಿ ನೀರು ತುಂಬಿಕೊಂಡು ಹೊರಡುತ್ತಿದ್ದೆ. ಇಂದು ನಾವಿಬ್ಬರೂ ಒಟ್ಟಿಗೆ ಇಲ್ಲಿಗೆ ಬಂದಿದ್ದೇವೆ. ಈ ಉತ್ತರಿಸಿದ ಪ್ರಾರ್ಥನೆಗೆ ಪದಗಳಿಗೆ ಮೀರಿ ಕೃತಜ್ಞರಾಗಿರುತ್ತೇನೆ” ಎಂದು ಪತಿ ಜೊತೆಗೆ ಕ್ಲಿಕ್ಕಿಸಿಕೊಂಡಿರುವ ಫೋಟೋಗಳನ್ನ ಹಂಚಿಕೊಂಡು ಸುಹಾನಾ ಹೀಗೆ ಕ್ಯಾಪ್ಷನ್‌ ಬರೆದುಕೊಂಡಿದ್ದಾರೆ.
