ಬಿಜೆಪಿ ರಾಷ್ಟ್ರೀಯ ಕಾರ್ಯಕಾರಿ ಅಧ್ಯಕ್ಷರಾಗಿ ಅಧಿಕಾರ ವಹಿಸಿಕೊಂಡಿರುವ ನಿತಿನ್ ನಬಿನ್ ಅವರನ್ನು ಸಂಸದ ಬಿ ವೈ ರಾಘವೇಂದ್ರ ಭೇಟಿಯಾಗಿ ಶುಭಾಶಯಗಳನ್ನು ತಿಳಿಸಿದರು.
5 ಬಾರಿ ಶಾಸಕರಾಗಿ ಆಯ್ಕೆಯಾಗುವ ಜೊತೆಗೆ ಛತ್ತೀಸ್ಗಢದಲ್ಲಿ ಬಿಜೆಪಿ ಅಮೋಘ ಗೆಲುವಿನ ರೂವಾರಿಯಾಗುವುದರಿಂದ ಹಿಡಿದು ಇತ್ತೀಚಿನ ಬಿಹಾರ ಚುನಾವಣೆಯಲ್ಲಿ ಪಕ್ಷವನ್ನು ಅತ್ಯಂತ ಯಶಸ್ವಿಯಾಗಿ ಮುನ್ನಡೆಸಿರುವ ನಿತಿನ್ ಜೀ ತಾವೊಬ್ಬ ಸಮರ್ಪಿತ ಸಂಘಟನಾ ತಂತ್ರಜ್ಞ ಮತ್ತು ಪ್ರಬಲ ತಳಮಟ್ಟದ ನಾಯಕ ಎನ್ನುವುದನ್ನು ಸಾಬೀತುಪಡಿಸಿದ್ದಾರೆ.ಈಗ ಪಕ್ಷದ ಉನ್ನತ ರಾಷ್ಟ್ರೀಯ ಜವಾಬ್ದಾರಿಯನ್ನು ವಹಿಸಿಕೊಂಡಿರುವ ಅವರ ಅನುಭವ ಮತ್ತು ನಾಯಕತ್ವ, ರಾಷ್ಟ್ರದಾದ್ಯಂತ ತಳಮಟ್ಟದಲ್ಲಿ ನಮ್ಮ ಸಂಘಟನೆಯನ್ನು ಮತ್ತಷ್ಟು ಬಲಿಷ್ಠಗೊಳಿಸಲಿದೆ. ಭಾರತಾಂಬೆಯ ಸೇವೆಯಲ್ಲಿ ಅತ್ಯಂತ ಯಶಸ್ವಿಯಾದ ಮತ್ತು ಮಹತ್ವಪೂರ್ಣ ಅಧಿಕಾರಾವಧಿಯನ್ನು ನಿತಿನ್ ಅವರಿಗೆ ಹಾರೈಸುತ್ತೇನೆ ಎಂದು ಸಂಸದ ಪಿ ವೈ ರಾಘವೇಂದ್ರ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಶುಭಾಶಯ ನುಡಿಯನ್ನು ಹಂಚಿಕೊಂಡರು.
