ಅಮೆರಿಕ ಎಂದರೆ ಕನಸುಗಳ ನಾಡು. ಅಲ್ಲಿನ ಜೀವನಶೈಲಿ, ಕೆಲಸದ ಸಂಸ್ಕೃತಿ ಮತ್ತು ಆದಾಯದ ಬಗ್ಗೆ ತಿಳಿದುಕೊಳ್ಳುವ ಕುತೂಹಲ ಎಲ್ಲರಲ್ಲೂ ಇರುತ್ತದೆ. ಅದರಲ್ಲೂ ಅಲ್ಲಿನ ಸಾಮಾನ್ಯ ಕೆಲಸಗಾರರು ಎಷ್ಟು ಸಂಪಾದಿಸುತ್ತಾರೆ ಎಂಬ ವಿಚಾರ ಹಲವರನ್ನು ಅಚ್ಚರಿಗೊಳಿಸುತ್ತದೆ.ಗಂಟೆಗೆ 1,700 ರೂಪಾಯಿ ಸಂಬಳ:ಅಮೆರಿಕದಲ್ಲಿ ಶ್ರಮಕ್ಕೆ ತಕ್ಕಂತೆ ಗಂಟೆಗಳ ಆಧಾರದ ಮೇಲೆ ವೇತನ ನೀಡಲಾಗುತ್ತದೆ.
ಇನ್ಸ್ಟಾಗ್ರಾಂ ಬಳಕೆದಾರರೊಬ್ಬರು ಹಂಚಿಕೊಂಡ ಮಾಹಿತಿಯಂತೆ, ಅಲ್ಲಿ ಕಸ ಸಂಗ್ರಹಿಸುವ ಕೆಲಸ (Garbage Collectors) ಮಾಡುವವರಿಗೆ ಒಂದು ಗಂಟೆಗೆ ಸರಾಸರಿ 18 ಡಾಲರ್ ನೀಡಲಾಗುತ್ತದೆ. ಇದನ್ನು ಭಾರತೀಯ ರೂಪಾಯಿಗೆ ಪರಿವರ್ತಿಸಿದರೆ ಸುಮಾರು 1,700 ರೂಪಾಯಿ ಆಗುತ್ತದೆ. ಅಂದರೆ, ಒಬ್ಬ ಕೆಲಸಗಾರ ತಿಂಗಳಿಗೆ ಸುಮಾರು 3,000 ಡಾಲರ್ (ಬರೋಬ್ಬರಿ 2,85,000 ರೂಪಾಯಿ) ಸಂಪಾದಿಸುತ್ತಾನೆ! ಅನುಭವ ಮತ್ತು ಪ್ರದೇಶಕ್ಕೆ ಅನುಗುಣವಾಗಿ ಈ ವೇತನ ಇನ್ನಷ್ಟು ವ್ಯತ್ಯಾಸವಾಗಬಹುದು.
ಕಾಯಕವೇ ಕೈಲಾಸ – ಕೆಲಸ ಯಾವುದಾದರೇನು?:ಅಮೆರಿಕದ ಯಶಸ್ಸಿನ ಹಿಂದಿರುವ ಪ್ರಮುಖ ರಹಸ್ಯವೆಂದರೆ ಅಲ್ಲಿನ ‘ಕಾಯಕ ಸಂಸ್ಕೃತಿ’.
ಅಲ್ಲಿ ಯಾವುದೇ ಕೆಲಸವನ್ನು ಕೀಳಾಗಿ ನೋಡುವುದಿಲ್ಲ. ಸ್ವಚ್ಛತಾ ಕಾರ್ಮಿಕರಾಗಲಿ, ಕಟ್ಟಡ ಕಾರ್ಮಿಕರಾಗಲಿ ಅಥವಾ ಸೂಪರ್ ಮಾರ್ಕೆಟ್ನ ಕ್ಯಾಶಿಯರ್ ಆಗಿರಲಿ — ಪ್ರತಿಯೊಂದು ವೃತ್ತಿಯನ್ನೂ ಗೌರವದಿಂದ ಕಾಣಲಾಗುತ್ತದೆ.
ಸಮಾಜದ ಸುಗಮ ನಿರ್ವಹಣೆಗೆ ಪ್ರತಿಯೊಬ್ಬ ಕಾರ್ಮಿಕನ ಶ್ರಮವೂ ಮುಖ್ಯ ಎಂಬ ಭಾವನೆ ಅಲ್ಲಿನ ಜನರಲ್ಲಿದೆ. ವೃತ್ತಿಗಿಂತ ಹೆಚ್ಚಾಗಿ ವ್ಯಕ್ತಿಯ ಪ್ರಾಮಾಣಿಕತೆ ಮತ್ತು ನಿಷ್ಠೆಗೆ ನೀಡುವ ಗೌರವವೇ ಅಮೆರಿಕದ ಪ್ರಗತಿಗೆ ಸಾಕ್ಷಿಯಾಗಿದೆ.
