ಭಾರತದ ಅತಿದೊಡ್ಡ ಕಾರು ತಯಾರಿಕಾ ಸಂಸ್ಥೆ ಮಾರುತಿ ಸುಜುಕಿ, ಡಿಸೆಂಬರ್ 2025ರ ವರ್ಷಾಂತ್ಯದ ಪ್ರಯುಕ್ತ ತನ್ನ ಸಂಪೂರ್ಣ ಪ್ಯಾಸೆಂಜರ್ ವಾಹನಗಳ ಶ್ರೇಣಿಯ ಮೇಲೆ ಭರ್ಜರಿ ಕೊಡುಗೆಗಳನ್ನು ಘೋಷಿಸಿದೆ. ಈ ಬೃಹತ್ ರಿಯಾಯಿತಿಗಳು ₹2.19 ಲಕ್ಷದವರೆಗೆ ಇದ್ದು, ಗ್ರಾಹಕರಿಗೆ ದೊಡ್ಡ ಉಳಿತಾಯದ ಅವಕಾಶವನ್ನು ಒದಗಿಸಿವೆ.

ವರ್ಷಾಂತ್ಯದ ವಾಹನಗಳ ಸ್ಟಾಕ್ ಅನ್ನು ತೆರವುಗೊಳಿಸುವ ನಿಟ್ಟಿನಲ್ಲಿ ಈ ಕೊಡುಗೆಗಳನ್ನು ನೀಡಲಾಗಿದ್ದು, ಇವುಗಳು ಮಾರುತಿ ಸುಜುಕಿಯ ಅರೆನಾ ಮತ್ತು ಪ್ರೀಮಿಯಂ ನೆಕ್ಸಾ ರೀಟೇಲ್‌ ನೆಟ್‌ವರ್ಕ್‌ಗಳೆರಡರಲ್ಲೂ ಲಭ್ಯವಿವೆ.

ಮಾರುತಿ ಸುಜುಕಿ ಘೋಷಿಸಿರುವ ಕೊಡುಗೆಗಳ ಪೈಕಿ, ಎರಡು ಪ್ರೀಮಿಯಂ ಮಾದರಿಗಳು ಗರಿಷ್ಠ ಪ್ರಯೋಜನಗಳನ್ನು ಪಡೆದುಕೊಂಡಿವೆ.

ಗ್ರಾಂಡ್ ವಿಟಾರ : ಎಸ್‌ಯುವಿಯ ಮೇಲೆ ಗರಿಷ್ಠ ₹2.19 ಲಕ್ಷದವರೆಗೆ ರಿಯಾಯಿತಿ ಲಭ್ಯವಿದೆ. ಇನ್ವಿಕ್ಟೋ (Invicto): ಪ್ರೀಮಿಯಂ ಎಂಪಿವಿ ಇನ್ವಿಕೊ ಮೇಲೆ ಸಹ ₹2.15 ಲಕ್ಷದವರೆಗೆ ಬೃಹತ್‌ ಪ್ರಯೋಜನಗಳನ್ನು ಘೋಷಿಸಲಾಗಿದೆ.ಇನ್ನು ಜನಪ್ರಿಯ ಎಸ್‌ಯುವಿ ಜಿಮ್ಮಿ (Jimny) ಮೇಲೂ ಗ್ರಾಹಕರು ₹1 ಲಕ್ಷದವರೆಗೆ ಉಳಿತಾಯ ಮಾಡಬಹುದು.

ಪ್ರಸ್ತುತ ಮಾರುಕಟ್ಟೆಯಲ್ಲಿ ಮಾರುತಿ ಸುಜುಕಿ ವಾಹನಗಳಿಗೆ ಭಾರೀ ಬೇಡಿಕೆ ಇರುವುದರ ನಡುವೆಯೇ ಈ ಆಕರ್ಷಕ ಕೊಡುಗೆಗಳನ್ನು ನೀಡಲಾಗಿದೆ. ಈ ವರ್ಷಾಂತ್ಯದ ಪ್ರಯೋಜನಗಳು ಡಿಸೆಂಬರ್ 31 ರವರೆಗೆ ಮಾತ್ರ ಲಭ್ಯವಿದ್ದು, ಹೊಸ ಕಾರು ಖರೀದಿಸಲು ಯೋಜಿಸುತ್ತಿರುವ ಗ್ರಾಹಕರಿಗೆ ಇದು ಸಕಾಲವಾಗಿದೆ.