ಸಯೀದ್ ನಿವಾಸ ಬಳಿ ನಾಗರಿಕ ಸಂಚಾರಕ್ಕೆ ಅವಕಾಶವಿಲ್ಲ, ಡೋನ್ ನಿಷೇಧ

ಇಸ್ಲಮಾಬಾದ್‌: ವಿಶ್ವಸಂಸ್ಥೆಯಲ್ಲಿ ಕುಳಿತು ನಮಗೂಭಯೋತ್ಪಾದನೆಗೂ ಸಂಬಂಧವಿಲ್ಲ, ಭಾರತದ ಆರೋಪದಲ್ಲಿ ಹುರುಳಿಲ್ಲ ಎಂದು ಅಂಗಲಾಚುವ ಪಾಕಿಸ್ತಾನ ಈಗ ಮತ್ತೆ ತನ್ನ ಹಳೆ ಚಾಳಿ ಮುಂದುವರಿಸಿದೆ. ಏ.22ರಂದು ನಡೆದ ಪಹಲ್ಲಾಮ್ ದಾಳಿಯ ಬಳಿಕ ಕುಖ್ಯಾತ ಉಗ್ರ, ಲಷ್ಕರ್-ಎ-ತೈಬಾ ಮುಖ್ಯಸ್ಥ ಹಫೀಜ್ ಸಯೀದ್ ಗೆ ಪಾಕಿಸ್ತಾನವು ಭದ್ರತೆ ಹೆಚ್ಚಿಸಿದೆ ಎಂದು ವರದಿಯಾಗಿದೆ.ಈ ಬಗ್ಗೆ ಇಂಡಿಯಾ ಟಿವಿ ವರದಿ ಮಾಡಿದ್ದು, ಹಫೀಜ್ ಸಯೀದ್ ಗೆ 24*7 ಪಾಕಿಸ್ತಾನದ ಯೋಧರು ರಕ್ಷಣೆ ನೀಡುತ್ತಿದ್ದಾರೆ. ಲಾಹೋರ್ ನ ಹಫೀಜ್ ಸಯೀದ್ ನಿವಾಸಕ್ಕೆ ವ್ಯಾಪಕ ಕಣ್ಣಾವಲು ಮಾಡಲಾಗುತ್ತಿದೆ ಎಂದು ವರದಿ ಹೇಳಿದೆ.ಏಪ್ರಿಲ್ 22 ರ ದಾಳಿಯ ನಂತರ ಲಾಹೋರ್‌ನ ಜನನಿಬಿಡ ವಸತಿ ಪ್ರದೇಶವಾದ ಮೊಹಲ್ಲಾ ಜೋಹ‌ರ್ ಪಟ್ಟಣದಲ್ಲಿರುವ ಹಫೀಜ್ ಸಯೀದ್ ನ ಮನೆಯನ್ನು ಬಿಗಿ ಭದ್ರತಾ ಜಾಲಕ್ಕೆ ಒಳಪಡಿಸಲಾಗಿದೆ.

ಪಾಕಿಸ್ತಾನ ಸೇನೆ, ಐಎಸ್‌ಐ ಮತ್ತು ಲಷ್ಕ‌ರ್ ಕಾರ್ಯಕರ್ತರು ಜಂಟಿಯಾಗಿ ಅವರ ರಕ್ಷಣೆಯನ್ನು ನೋಡಿಕೊಳ್ಳುತ್ತಿದ್ದಾರೆ ಎಂದು ಮೂಲಗಳು ತಿಳಿಸಿವೆ, ಕಾಂಪೌಂಡನ್ನು ಮೇಲ್ವಿಚಾರಣೆ ಮಾಡಲು ಡೋನ್ ಕಣ್ಣಾವಲು ನಿಯೋಜಿಸಲಾಗಿದೆ ಮತ್ತು 4 ಕಿಲೋಮೀಟರ್ ವ್ಯಾಪ್ತಿಯೊಳಗಿನ ರಸ್ತೆಗಳಲ್ಲಿ ಹೆಚ್ಚಿನ ರೆಸಲ್ಯೂಶನ್ ಸಿಸಿಟಿವಿ ಕ್ಯಾಮೆರಾಗಳನ್ನು ಅಳವಡಿಸಲಾಗಿದೆ ಎಂದು ಮೂಲಗಳು ತಿಳಿಸಿವೆ.ಕಟ್ಟಡದ ಬಳಿ ಯಾವುದೇ ನಾಗರಿಕರ ಸಂಚಾರಕ್ಕೆ ಅವಕಾಶವಿಲ್ಲ, ಮತ್ತು ಆ ಪ್ರದೇಶದಲ್ಲಿ ಡೋನ್‌ಗಳನ್ನು ನಿಷೇಧಿಸಲಾಗಿದೆ.ಲಷ್ಕರ್-ಎ-ತೊಯ್ದಾದ ಒಂದು ಶಾಖೆಯಾದ ದಿ ರೆಸಿಸ್ಟೆನ್ಸ್ ಫ್ರಂಟ್ (ಟಿಆರ್ಎಫ್) ಪಹಲ್ಲಾಮ್ ದಾಳಿಯ ನಂತರ ಈ ಉನ್ನತ ಭದ್ರತಾ ಶಿಷ್ಟಾಚಾರವನ್ನು ಜಾರಿಗೆ ತರಲಾಗಿದೆ ಎಂದು ಮೂಲಗಳು ತಿಳಿಸಿವೆ.