ಶೈಕ್ಷಣಿಕ ರಂಗದಲ್ಲಿ ತನ್ನದೇ ಛಾಪು ಮೂಡಿಸಿರುವ ಸುಳ್ಯ ನಗರದಲ್ಲಿ ಪದೇ ಪದೇ ಮದ್ಯವ್ಯಸನಿಗಳ ಹಾವಳಿ ವಿಪರೀತವಾಗುತ್ತಿದೆ.
ಸುಳ್ಯ ಮುಖ್ಯ ರಸ್ತೆಯ ಸಿ.ಎ ಬ್ಯಾಂಕ್ ಮತ್ತು ಹಳೆ ಬಸ್ ನಿಲ್ದಾಣ ಎದುರುಗಡೆ ಇರುವ ಪುಟ್ ಪಾತ್ ನಲ್ಲಿ ಕೆಲವರು ಮದ್ಯ ಸೇವಿಸಿ ಅಡ್ಡಾದಿಡ್ಡಿ ಮಲಗಿದ ಪರಿಣಾಮ ಪುಟ್ ಪಾತ್ ಬಳಿ ಸಂಚರಿಸುವ ಜನರಿಗೆ ತೊಂದರೆಯಾಗಿದೆ.
ನಡೆದು ಹೋಗಲು ಅಸಾಧ್ಯವಾಗಿದೆ.ಅನೇಕ ಸಮಯಗಳಿಂದ ಈ ಘಟನೆ ಪದೇ ಪದೇ ಮರುಕಳಿಸುತ್ತಿದ್ದು ಸಾರ್ವಜನಿಕರ ಆಕ್ರೋಶಕ್ಕೆ ಕಾರಣವಾಗಿದೆ. ಸ್ಥಳೀಯ ಆಡಳಿತ ಮತ್ತು ಜನಪ್ರತಿನಿಧಿಗಳು ಈ ಬಗ್ಗೆ ತಕ್ಷಣ ಗಮನ ವಹಿಸುವ ಅಗತ್ಯವಿದೆಯೆಂದು ಸಾರ್ವಜನಿಕರು ವಿನಂತಿಸಿದ್ದಾರೆ.
