ನವದೆಹಲಿ: ಬೆಳ್ಳಿ ಬೆಲೆ ಶುಕ್ರವಾರ ರಾಷ್ಟ್ರ ರಾಜಧಾನಿಯಲ್ಲಿ 3,600 ರೂ. ಜ. ಏರಿಕೆಯಾಗಿ ಪ್ರತಿ ಕೆ.ಜಿ.ಗೆ 2,92,600 ರೂ.ಗೆ ತಲುಪುವ ಮೂಲಕ ಸತತ ಆರನೇ ದಿನವೂ ತನ್ನ ದಾಖಲೆ ಓಟವನ್ನು ಮುಂದುವರಿಸಿದೆ. ಸ್ಟಾಕಿಸ್ಟ್‌ಗಳು ನಿರಂತರ ಖರೀದಿ ಮಾಡುತ್ತಿರುವುದು ಮತ್ತು ಕೈಗಾರಿಕಾ ಬಳಕೆ ಈ ಏರಿಕೆಗೆ ಕಾರಣ. ಗುರುವಾರ ಬೆಳ್ಳಿ ಬೆಲೆ 2,89,000 ರೂ. ಇತ್ತು. ಜ. 8ರಂದು ಇದು 2,43,500 ರೂ. ಇತ್ತು. ಕೇವಲ 6 ವಹಿವಾಟಿನ ದಿನಗಳಲ್ಲಿ ಶೇ. 20.16 ಅಥವಾ 49,100 ರೂ. ಗಳಷ್ಟು ಏರಿಕೆಯಾಗಿದೆ. ಚಿನ್ನಕ್ಕಿಂತ ಬೆಳ್ಳಿ ಹೆಚ್ಚಿನ ವೇಗದಲ್ಲಿ ಬೆಳೆಯುತ್ತಿರುವುದು ಇದು ಸತತ ಎರಡನೇ ವರ್ಷ. ಶೇ. 22.4ರಷ್ಟು ಲಾಭವನ್ನು ನೀಡುತ್ತಿದೆ. ಈ ಮಧ್ಯೆ, ಶೇ. 99.9 ಶುದ್ಧತೆಯ ಚಿನ್ನದ ಬೆಲೆ 1,100 ರೂ. ಇಳಿಕೆಯಾಗಿ 1,46,200 ರೂ.ಗೆ ತಲುಪಿದೆ. ಗುರುವಾರ ಇದು 1,47,300 ರೂ. ಇತ್ತು.