ನ.1ರಿಂದ ಮೊಬೈಲ್‌ ಕರೆ ಸ್ವೀಕರಿಸುವವರಿಗೆ ಕರೆ ಮಾಡುವವರ ಅಧಿಕೃತ ಹೆಸರು ಕಾಣಿಸಲಿದೆ. ಸ್ಪ್ಯಾಮ್, ವಂಚನೆ ಕರೆಗಳಿಗೆ ಕಡಿವಾಣ ಹಾಕಲು ದೂರಸಂಪರ್ಕ ಇಲಾಖೆ ಸಿಎನ್‌ಪಿ ವ್ಯವಸ್ಥೆಯನ್ನು ಕಡ್ಡಾಯಗೊಳಿಸಿದೆ. ಮೊಬೈಲ್‌ನಲ್ಲಿ ನಂಬ‌ರ್ ಸೇವ್ ಆಗಿಲ್ಲದಿದ್ದರೆ, ಸಿಮ್ ನೋಂದಣಿ ವೇಳೆ ನೀಡಿದ ಅಧಿಕೃತ ಹೆಸರು ಪ್ರದರ್ಶನವಾಗಲಿದೆ. ಈ ವ್ಯವಸ್ಥೆ ಸದ್ಯ 4ಜಿ ಮತ್ತು 5ಜಿ ನೆಟ್‌ವರ್ಕ್‌ಗಳಲ್ಲಿ ಜಾರಿಯಾಗಲಿದ್ದು, ಅಂತಾರಾಷ್ಟ್ರೀಯ ಕರೆಗಳಿಗೆ ‘ಇಂಟರ್‌ನ್ಯಾಷನಲ್ ಕಾಲ್’ ಎಂದು ಕಾಣಿಸಲಿದೆ. ವ್ಯಾಪಾರಿಗಳಿಗೆ ನೋಂದಾಯಿತ ವ್ಯವಹಾರದ ಹೆಸರನ್ನು ಪ್ರದರ್ಶಿಸುವ ಅವಕಾಶವೂ ಇದೆ.
