ಇರುಮುಡಿ ಹೊತ್ತು ಶಬರಿಮಲೆ ಅಯ್ಯಪ್ಪನ ದರ್ಶನ ಪಡೆದ ರಾಷ್ಟ್ರಪತಿ ದ್ರೌಪದಿ ಮುರ್ಮು -ಇತಿಹಾಸ ನಿರ್ಮಿಸಿದ ಮೊದಲ ಮಹಿಳಾ ರಾಷ್ಟ್ರಪತಿ

Picture of Savistara

Savistara

Bureau Report

ಕೇರಳ: ಅ. 22:ಭಾರತದ ರಾಷ್ಟ್ರಪತಿ ದೌಪದಿ ಮುರ್ಮು ಅವರು ಬುಧವಾರ ಶಬರಿಮಲೆಯ ಶ್ರೀ ಅಯ್ಯಪ್ಪ ಸ್ವಾಮಿಯ ದರ್ಶನ ಪಡೆದರು. ರಾಷ್ಟ್ರಪತಿಯವರ ಈ ದರ್ಶನ ಐತಿಹಾಸಿಕವಾಗಿದ್ದು, ಶಬರಿಮಲೆಯ ಅಯ್ಯಪ್ಪ ದೇವಾಲಯಕ್ಕೆ ಪೂಜೆ ಸಲ್ಲಿಸಿದ ಮೊದಲ ಮಹಿಳಾ ರಾಷ್ಟ್ರಪತಿ ಎಂಬ ಗೌರವವು ಅವರಿಗೆ ಸಂದಿದೆ.

ಬೆಳಿಗ್ಗೆ ಸುಮಾರು 11 ಗಂಟೆಗೆ ಮುರ್ಮು ಅವರು ಪಂಪಾ ತಲುಪಿದರು. ಅಲ್ಲಿ ಪಂಪಾ ನದಿಯಲ್ಲಿ ಕಾಲು ತೊಳೆಯುವ ಸಂಪ್ರದಾಯ ಪಾಲಿಸಿದ ನಂತರ, ಗಣಪತಿ ದೇವಾಲಯ ಸೇರಿದಂತೆ ಸಮೀಪದ ದೇವಸ್ಥಾನಗಳಲ್ಲಿ ಪೂಜೆ ಸಲ್ಲಿಸಿದರು. ನಂತರ ಗಣಪತಿ ದೇವಸ್ಥಾನದ ವಿಷ್ಣು ನಂಬೂತಿರಿ ಅವರಿಗಾಗಿ ಪವಿತ್ರ ಇರುಮುಡಿ ಕಟ್ಟು ಸಿದ್ಧಪಡಿಸಿದರು. ಈ ವೇಳೆ ರಾಷ್ಟ್ರಪತಿ ಮುರ್ಮು ಅವರು ಅಯ್ಯಪ್ಪನ ಭಕ್ತರ ಪರಂಪರೆಯ ಉಡುಪಾದ ಕಪ್ಪು ಬಣ್ಣದ ಸೀರೆ ಧರಿಸಿದ್ದರು.

Advertisement

ರಾಷ್ಟ್ರಪತಿಯವರ ADC ಸೌರಭ್ ಎಸ್ ನಾಯರ್, PSO ವಿನಯ್ ಮಥು‌ರ್ ಹಾಗೂ ಅಳಿಯ ಗಣೇಶ್ ಚಂದ್ರ ಹೋಂಬ್ರಮ್ ಸಹ ತಮ್ಮದೇ ಪವಿತ್ರ ಇರುಮುಡಿ ಸಿದ್ಧಪಡಿಸಿದರು. ಬಳಿಕ ಅವರು ಅಯ್ಯಪ್ಪನ ಪರಂಪರೆಯಂತೆ ಕಲ್ಲಿನ ಗೋಡೆಯ ಬಳಿ ತೆಂಗಿನಕಾಯಿ ಒಡೆದು, ಇರುಮುಡಿ ತಲೆಯ ಮೇಲೆ ಇಟ್ಟು, ವಿಶೇಷ ಜೀಪುಗಳಲ್ಲಿ ಸನ್ನಿಧಾನಂ ಕಡೆಗೆ ಪ್ರಯಾಣ ಬೆಳೆಸಿದರು.

Advertisement

ಸನ್ನಿಧಾನಂ ತಲುಪಿ, ಮುರ್ಮು ಅವರು 18 ಪವಿತ್ರ ಮೆಟ್ಟಿಲುಗಳನ್ನು ಹತ್ತಿ ದೇವಾಲಯದ ಒಳಗಡೆ ಪ್ರವೇಶಿಸಿದರು. ಅಲ್ಲಿ ದೇವಸ್ವಂ ಸಚಿವ ವಿ.ಎನ್ ವಾಸವನ್ ಹಾಗೂ ತ್ರಾವಂಕೋರ್ ದೇವಸ್ವಂ ಮಂಡಳಿ ಅಧ್ಯಕ್ಷ ಪಿ.ಎಸ್ ಪ್ರಸಂತ್ ಅವರು ಸ್ವಾಗತಿಸಿದರು. ದೇವಸ್ಥಾನದ ತಂತ್ರಿ ಕಂದಾರು ಮಹೇಶ್ ಮೋಹನಾರು ಅವರು ಪೂರ್ಣಕುಂಭ ಸಮರ್ಪಣೆ ಮೂಲಕ ರಾಷ್ಟ್ರಪತಿಗೆ ಗೌರವ ಸಲ್ಲಿಸಿದರು.

Advertisement

ದೇವಾಲಯದ ಒಳಗೆ ಅಯ್ಯಪ್ಪನ ದರ್ಶನ ಪಡೆದ ನಂತರ, ಮುರ್ಮು ಹಾಗೂ ಅವರ ತಂಡ ಇರುಮುಡಿಯನ್ನು ದೇವಸ್ಥಾನದ ಮೆಟ್ಟಿಲುಗಳ ಬಳಿ ಇಟ್ಟು ಪೂಜೆಗೆ ಸಮರ್ಪಿಸಿದರು. ಬಳಿಕ ಮಲಿಕಪ್ಪುರಂ ಸೇರಿದಂತೆ ಸಮೀಪದ ದೇವಾಲಯಗಳಲ್ಲಿ ದರ್ಶನ ಮಾಡಿಕೊಂಡು, ಅವರು ದೇವಸ್ವಂ ಅತಿಥಿಗೃಹಕ್ಕೆ ತೆರಳಿ ಮಧ್ಯಾಹ್ನ ಭೋಜನ ಹಾಗೂ ವಿಶ್ರಾಂತಿ ಪಡೆದರು. ರಾಷ್ಟ್ರಪತಿಯವರ ಭೇಟಿ ಸಮಯದಲ್ಲಿ ಭಕ್ತರ ದರ್ಶನಕ್ಕೆ ನಿರ್ಬಂಧವಿತ್ತು ಎಂದು ಅಧಿಕಾರಿಗಳು ತಿಳಿಸಿದರು.

Advertisement

ಶಬರಿಮಲೆಯ ಅಯ್ಯಪ್ಪ ದರ್ಶನಕ್ಕೆ ಬಂದಿರುವ ರಾಷ್ಟ್ರಪತಿ ಮುರ್ಮು ಅವರು, 1970ರ ದಶಕದಲ್ಲಿ ಶಬರಿಮಲೆ ಭೇಟಿ ನೀಡಿದ್ದ ಮಾಜಿ ರಾಷ್ಟ್ರಪತಿ ವಿ.ವಿ ಗಿರಿ ಅವರ ನಂತರ ಎರಡನೇ ರಾಷ್ಟ್ರಪತಿ.

Advertisement

ಶಬರಿಮಲೆಯ ದರ್ಶನದ ನಂತರ ಅವರು ಸಂಜೆ ತಿರುವನಂತಪುರಂಗೆ ಹಿಂತಿರುಗಲಿದ್ದಾರೆ. ನಾಳೆ ಅವರು ರಾಜಭವನದಲ್ಲಿ ಮಾಜಿ ರಾಷ್ಟ್ರಪತಿ ಕೆ.ಆ‌ರ್ ನಾರಾಯಣನವರ ಪ್ರತಿಮೆಯನ್ನು ಅನಾವರಣಗೊಳಿಸಲಿದ್ದಾರೆ. ನಂತರ ವರ್ಕಳದ ಶಿವಗಿರಿ ಮಠದಲ್ಲಿ ಶ್ರೀ ನಾರಾಯಣ ಗುರು ಮಹಾಸಮಾಧಿ ಶತಮಾನೋತ್ಸವದ ಉದ್ಘಾಟನೆ ಹಾಗೂ ಕೋಟಾಯಂ ಜಿಲ್ಲೆಯ ಪಾಳಾದ ಸಂತ ಥಾಮಸ್ ಕಾಲೇಜಿನ ಪ್ಲಾಟಿನಮ್ ಜುಬಿಲಿ ಸಮಾರೋಪ ಸಮಾರಂಭಗಳಲ್ಲಿ ಭಾಗವಹಿಸಲಿದ್ದಾರೆ.

Advertisement

ಅಕ್ಟೋಬರ್ 24ರಂದು ಎರ್ನಾಕುಳಂನ ಸೇಂಟ್ ತೆರೆಸಾ ಕಾಲೇಜಿನ ಶತಮಾನೋತ್ಸವದಲ್ಲಿ ಪಾಲ್ಗೊಂಡು ಮುರ್ಮು ಅವರ ನಾಲ್ಕು ದಿನಗಳ ಕೇರಳ ಪ್ರವಾಸ ಅಂತ್ಯಗೊಳ್ಳಲಿದೆ.

Advertisement
[t4b-ticker]
error: Content is protected !!