ಮಳೆಗಾಲ ಅಥವಾ ಚಳಿಗಾಲದಲ್ಲಿ ತಣ್ಣೀರು ಕುಡಿದರೆ ನೆಗಡಿ, ಜ್ವರ ಬರುತ್ತದೆ ಎಂಬ ನಂಬಿಕೆ ಅನೇಕರಲ್ಲಿದೆ. ಆದರೆ ವೈದ್ಯರ ಪ್ರಕಾರ, ತಣ್ಣೀರು ಕುಡಿಯುವುದೇ ನೆಗಡಿಗೆ ನೇರ ಕಾರಣವಲ್ಲ.ನೆಗಡಿಗೆ ಅಸಲಿ ಕಾರಣವೇನು?
ವೈರಲ್ ಸೋಂಕು: ಸಾಮಾನ್ಯ ನೆಗಡಿಯು ರೈನೋವೈರಸ್‌ ಸೇರಿದಂತೆ ಹಲವು ವೈರಸ್‌ಗಳಿಂದ ಉಂಟಾಗುವ ಸೋಂಕಾಗಿದೆ.
ಹರಡುವಿಕೆ: ಸೋಂಕಿತ ವ್ಯಕ್ತಿಯ ಕೆಮ್ಮು, ಸೀನುವಿಕೆ ಅಥವಾ ಕಲುಷಿತ ವಸ್ತುಗಳ ಸಂಪರ್ಕದಿಂದ ಇದು ಹರಡುತ್ತದೆ.
ತಣ್ಣೀರು ನೇರ ಕಾರಣವಲ್ಲ: ತಣ್ಣೀರು ಕುಡಿಯುವುದರಿಂದ ನೇರವಾಗಿ ನೆಗಡಿ ಬರುತ್ತದೆ ಎಂಬುದಕ್ಕೆ ಯಾವುದೇ ಆಧಾರವಿಲ್ಲ ಎಂದು ಡಾ. ಅನಿಲ್ ಗೊಂಬರ್ ಸ್ಪಷ್ಟಪಡಿಸಿದ್ದಾರೆ. ಆದರೆ ಈಗಾಗಲೇ ಗಂಟಲು ನೋವು ಅಥವಾ ಅಲರ್ಜಿ ಇರುವವರಿಗೆ ತಣ್ಣೀರು ಗಂಟಲ ಕಿರಿಕಿರಿ ಉಂಟುಮಾಡಬಹುದು.
ಸೋಂಕಿನಿಂದ ಬಚಾವಾಗಲು ಸಲಹೆಗಳು:ಸಾಬೂನಿನಿಂದ ನಿಯಮಿತವಾಗಿ ಕೈ ತೊಳೆಯಿರಿ.ನೆಗಡಿ ಇರುವವರಿಂದ ನಿಕಟ ಸಂಪರ್ಕ ಕಡಿಮೆ ಮಾಡಿ.
ಪೌಷ್ಟಿಕ ಆಹಾರ, ಸಾಕಷ್ಟು ನಿದ್ರೆ ಹಾಗೂ ನೀರು ಸೇವಿಸಿ.
ಗಮನಿಸಿ: ತೀವ್ರ ಜ್ವರ, ಉಸಿರಾಟದ ತೊಂದರೆ ಅಥವಾ ನಿರಂತರ ಕೆಮ್ಮು ಇದ್ದರೆ ತಕ್ಷಣ ವೈದ್ಯರ ಸಲಹೆ ಪಡೆಯಿರಿ.
