ಸಿನಿಮಾ ಗ್ಲಾಮರ್ ತೊರೆದು ತಮ್ಮ ತವರು ಗ್ರಾಮದಲ್ಲಿ ಜನಸಾಮಾನ್ಯರಂತೆ ನಡೆದುಕೊಂಡ ಕಾಲಿವುಡ್ ನಟ ವಿಮಲ್ ಅವರ ಸರಳತೆ ಈಗ ಸೋಶಿಯಲ್ ಮೀಡಿಯಾದಲ್ಲಿ ಭಾರೀ ಸದ್ದು ಮಾಡುತ್ತಿದೆ.
ಸ್ಥಳೀಯ ಸಂತೆಯಲ್ಲಿ ನಟ ವಿಮಲ್:ಚಿತ್ರೀಕರಣದ ಸಮಯದಲ್ಲಿ ಸನಿಹದ ಸ್ಥಳೀಯ ಸಂತೆಗೆ ಭೇಟಿ ನೀಡಿದ ನಟ ವಿಮಲ್, ಸಣ್ಣ ವ್ಯಾಪಾರಿಗಳ ಪಕ್ಕದಲ್ಲೇ ಕುಳಿತು ತರಕಾರಿ ಮಾರಾಟ ಮಾಡಿದರು. ನಟನ ಈ ಹಠಾತ್ ಭೇಟಿ ಮತ್ತು ಆತ್ಮೀಯ ನಡವಳಿಕೆ ಸ್ಥಳೀಯರಿಗೆ ಅಚ್ಚರಿಯೊಂದಿಗೆ ಭಾರಿ ಸಂತಸ ತಂದಿದೆ.
ಸಣ್ಣ ವ್ಯಾಪಾರಿಗಳಿಗೆ ಆರ್ಥಿಕ ನೆರವು:ಕೇವಲ ಸಂತೆಯಲ್ಲಿ ಕುಳಿತು ಮಾರಾಟ ಮಾಡುವುದು ಮಾತ್ರವಲ್ಲದೆ, ಅಲ್ಲಿನ ಸಣ್ಣ ಪ್ರಮಾಣದ ವ್ಯಾಪಾರಿಗಳೊಂದಿಗೆ ಹರಟೆ ಹೊಡೆದು, ಹಲವರಿಗೆ ತಲಾ ₹500 ರಷ್ಟು ಆರ್ಥಿಕ ನೆರವು ನೀಡುವ ಮೂಲಕ ತಮ್ಮ ಉದಾರತೆಯನ್ನು ಮೆರೆದಿದ್ದಾರೆ. ಈ ಘಟನೆಯ ವೀಡಿಯೊಗಳು ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗಿದ್ದು, ನೆಟ್ಟಿಗರು ಅವರ ಸರಳತೆಗೆ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.ನ್ಯಾಯಾಲಯದ ವಿವಾದದ ನಡುವೆಯೂ ಸರಳತೆ:
ಇತ್ತೀಚೆಗೆ ₹4.5 ಕೋಟಿ ವ್ಯವಹಾರದ ಚೆಕ್ ಬೌನ್ಸ್ ಪ್ರಕರಣದಲ್ಲಿ ಕೋರ್ಟ್ 1 ವರ್ಷ ಜೈಲು ಶಿಕ್ಷೆ ವಿಧಿಸಿತ್ತು (ಪ್ರಸ್ತುತ ಮೇಲ್ಮನವಿ ಸಲ್ಲಿಸಿದ್ದು ಶಿಕ್ಷೆಗೆ ತಡೆಯಾಜ್ಞೆ ಸಿಕ್ಕಿದೆ). ಇಂತಹ ಕಾನೂನು ಒತ್ತಡ ಹಾಗೂ ವಿವಾದಗಳ ನಡುವೆಯೂ ತಮ್ಮ ಮೂಲವನ್ನು ಮರೆಯದೆ, ಸ್ವಗ್ರಾಮದ ಜನಸಾಮಾನ್ಯರೊಂದಿಗೆ ನಟ ವಿಮಲ್ ಕಾಲ ಕಳೆದಿರುವುದು ವಿಶೇಷವಾಗಿದೆ.
