ಕುಕ್ಕೆ: ರಾಜ್ಯದ ನಂ 1 ದೇವಸ್ಥಾನ ಸುಬ್ರಹ್ಮಣ್ಯ ಕ್ಷೇತ್ರದಲ್ಲಿ ಕೆಲವು ದಿನಗಳಿಂದ ತೀರ್ಥದ ಬಾಟಲಿ ಸಿಗದೆ ಭಕ್ತಾದಿಗಳು ಅನುಭವಿಸುತ್ತಿದ್ದ ತೊಂದರೆ ಹಾಗೂ ಅವರ ಧಾರ್ಮಿಕ ಭಾವನೆಗಳಿಗಾಗಿದ್ದ ನೋವಿನ ಬಗ್ಗೆ ಸವಿಸ್ತಾರ ಮಾಧ್ಯಮದಲ್ಲಿ ಸುದ್ದಿ ಪ್ರಕಟ ಮಾಡಿತ್ತು ಈ ವಿಚಾರ ಪ್ರಸಾರವಾದ ತಕ್ಷಣವೇ ಅಧಿಕಾರಿಗಳು ಎಚ್ಚೆತ್ತುಕೊಂಡು, ಭಕ್ತರ ಸಮಸ್ಯೆಯ ತೀವ್ರತೆಯನ್ನು ಅರಿತು ಕೂಡಲೇ ಪವಿತ್ರ ತೀರ್ಥದ ಬಾಟಲಿಗಳ ಪೂರೈಕೆಯನ್ನು ಕುಕ್ಕೆ ಸುಬ್ರಹ್ಮಣ್ಯ ದೇವಸ್ಥಾನ ಆಡಳಿತ ಮಂಡಳಿ ಮತ್ತು ಅಧಿಕಾರಿಗಳು ಅನುವು ಮಾಡಿಕೊಟ್ಟಿದ್ದಾರೆ.ದೂರದ ಊರುಗಳಿಂದ ಬರುವ ಭಕ್ತರ ಶ್ರದ್ದೆ ನಂಬಿಕೆ ಭಾಗವಾಗಿದ್ದ ಮೂಲ ಪ್ರಸಾದ ತೀರ್ಥ ಬಾಟಲಿ ನೀಡದ ಬಗ್ಗೆ ಭಕ್ತರು ಆಕ್ರೋಶ ವ್ಯಕ್ತಪಡಿಸಿದ್ದರು ನಿನ್ನೆಯಿಂದ ಬಾಟಲಿ ತೀರ್ಥ ನೀಡಲು ಪ್ರಾರಂಭ ಮಾಡಿದ್ದು ಭಕ್ತರಿಗೆ ಸಂತಸ ತಂದಿದೆ ಈ ಬಗ್ಗೆ ಕ್ಷೇತ್ರದ ಭಕ್ತರು,ಸ್ಥಳೀಯ ಪ್ರಮುಖರು,ಮಾಜಿ ಟ್ರಸ್ಟಿ ಪ್ರಸನ್ನ ದರ್ಬೆ ಭಕ್ತರಿಗೆ ಆಗುತ್ತಿರುವ ಸಮಸ್ಯೆ ಬಗ್ಗೆ ಅಧಿಕಾರಿಗಳ ಗಮನಕ್ಕೆ ತಂದಿದ್ದರೂ ಇದೀಗ ತೀರ್ಥ ಎಂದಿನಂತೆ ಭಕ್ತರಿಗೆ ಲಭ್ಯವಾಗಲಿದೆ.
