ಕಾಡ್ಕೊಂಡು: ಟಿಬೆಟ್‌ನ ಗಡಿಯಲ್ಲಿರುವ ನೇಪಾಳದ ಮನಾಂಗ್ಜಿಲ್ಲೆಯ 7,126 ಮೀಟರ್ ಎತ್ತರದ ಶಿಖರವಾದ ಹಿಲ್ಲುಂಗ್ ಹಿಮಾಲ್‌ನ ಬೇಸ್ ಕ್ಯಾಂಪ್‌ನಲ್ಲಿ ಹಿಮಪಾತ ಸಂಭವಿಸಿದ ನಂತರ ಪರ್ವತಾರೋಹಿಗಳು ಮತ್ತು ಸಹಾಯಕ ಸಿಬ್ಬಂದಿ ಸೇರಿದಂತೆ ಕನಿಷ್ಠ 10 ಜನರು ಕಾಣೆಯಾಗಿದ್ದಾರೆ ಎಂದು ಯಾತ್ರೆಯ ಆಯೋಜಕರು ಭಾನುವಾರ (ಸೆ.27) ದೃಢಪಡಿಸಿದ್ದಾರೆ.ನೇಪಾಳದ ಯಾತ್ರೆ ಆಪರೇಟರ್‌ಗಳ ಸಂಘದ ಪ್ರಧಾನ ಕಾರ್ಯದರ್ಶಿ ರಿಷಿ ಭಂಡಾರಿ ಈ ಘಟನೆಯನ್ನು ದೃಢಪಡಿಸಿದ್ದಾರೆ.ರಿಷಿ ಭಂಡಾರಿ ಪ್ರಕಾರ, ಪತ್ತೆಯಾಗದವರಲ್ಲಿ ಇಬ್ಬರು ಇಮ್ಯಾಜಿನ್ ನೇಪಾಳ ಪ್ರೈವೇಟ್ ಲಿಮಿಟೆಡ್‌ನೊಂದಿಗೆ ಸಂಬಂಧ ಹೊಂದಿದ್ದರೆ, ಎಂಟು ಮಂದಿ ಹಿಮಾಲಯನ್ ಹಾಲಿಡೇಸ್ ನೇಪಾಳದವರು.

ನೇಪಾಳದ ಪ್ರವಾಸೋದ್ಯಮ ಇಲಾಖೆಯ ಮಹಾನಿರ್ದೇಶಕ ರಾಮ್ ಕೃಷ್ಣ ಲಾಮಿಚಾನೆ ಅವರು, ಇಲಾಖೆಯು ಪರಿಸ್ಥಿತಿಯನ್ನು ನಿಕಟವಾಗಿ ಗಮನಿಸುತ್ತಿದೆ ಎಂದು ತಿಳಿಸಿದರು. ಅಧಿಕಾರಿಗಳು ಘಟನೆಯ ಕುರಿತು ಹೆಚ್ಚಿನ ವಿವರಗಳನ್ನು ಸಂಗ್ರಹಿಸುತ್ತಿದ್ದು, ಪತ್ತೆಯಾಗದವರನ್ನು ಹುಡುಕುವ ಹಾಗೂ ರಕ್ಷಿಸುವ ಪ್ರಯತ್ನಗಳು ನಡೆಯುತ್ತಿವೆ.

ಕಳೆದ ವಾರ ಹವಾಮಾನ ವೈಪರೀತ್ಯದ ಎಚ್ಚರಿಕೆ ಸಿಕ್ಕಿದ ನಂತರ ಪರ್ವತಾರೋಹಣ ಮತ್ತು ಹಗ್ಗ ಅಳವಡಿಸುವ ತಂಡಗಳು ಪರ್ವತದ ಇಳಿಜಾರುಗಳಿಂದ ಕೆಳಗಿಳಿದಿದ್ದವು ಎಂದು ಶೆರ್ಪಾ ತಿಳಿಸಿದ್ದಾರೆ; ಆದಾಗ್ಯೂ, ಕೆಲವರು ಅನಿವಾರ್ಯವಾಗಿ ಅಲ್ಲೇ ಉಳಿದುಕೊಂಡಿದ್ದರು.ಆ ಪ್ರದೇಶದಲ್ಲಿ ಹಲವು ದಿನಗಳ ಕಾಲ ಭಾರಿ ಹಿಮಪಾತವಾದ ಕಾರಣ, ಹಿಮ್‌ಲುಂಗ್ ಹಿಮಾಲ್ ಪರ್ವತದ ಶರತ್ಕಾಲದ ಆರೋಹಣವನ್ನು ಕೈಬಿಟ್ಟು ಹಿಂತಿರುಗುವಂತಾಯಿತು. ಭಾನುವಾರ ಸಂಭವಿಸಿದ ಹಿಮಕುಸಿತದ ನಂತರ ನಾಪತ್ತೆಯಾಗಿರುವವರು ವಿವಿಧ ಪರ್ವತಾರೋಹಣ ಸಂಸ್ಥೆಗಳಿಗೆ ಸೇರಿದವರಾಗಿದ್ದಾರೆ.