ರಿಯೊ ಡಿ ಜನೈರೊ: 17ನೇ ಬ್ರಿಕ್ಸ್ ಶೃಂಗಸಭೆಯಲ್ಲಿ:Dಪಾಲ್ಗೊಳ್ಳಲು ನಾಲ್ಕು ದಿನಗಳ ಅಧಿಕೃತ ಭೇಟಿಗಾಗಿ ಪ್ರಧಾನಿ ನರೇಂದ್ರ ಮೋದಿ ಭಾನುವಾರ (ಜು.06) ಬ್ರೆಜಿಲ್‌ನ ರಿಯೊ ಡಿ ಜನೈರೊಗೆ ಆಗಮಿಸಿದರು. ಭಾರತೀಯ ಅನಿವಾಸಿಗಳು ಪ್ರಧಾನಿ ಮೋದಿ ಅವರನ್ನು ‘ಆಪರೇಷನ್‌ ಸಿಂದೂರ್’ ಎಂಬ ಸಾಂಸ್ಕೃತಿಕ ನೃತ್ಯ ಪ್ರದರ್ಶನದೊಂದಿಗೆ ಆತ್ಮೀಯವಾಗಿ ಸ್ವಾಗತಿಸಿದರು. ಭಾರತೀಯ ಸಶಸ್ತ್ರ ಪಡೆಗಳ ಶೌರ್ಯಕ್ಕೆ ಗೌರವ ಸಲ್ಲಿಸಿದರು.ಆಪರೇಷನ್‌ ಸಿಂದೂರ್ ಥೀಮ್‌ನೊಂದಿಗೆ ನಡೆದ ಈ ನೃತ್ಯವನ್ನು ‘ಸೌಗಂದ್ ಮುಜೆ ಇಸ್ ಮಿಟ್ಟಿ ಕಿ’ ಎಂಬ ದೇಶಭಕ್ತಿ ಗೀತೆಗೆ ಪ್ರದರ್ಶಿಸಲಾಯಿತು, ಪ್ರಧಾನಿ ಮೋದಿ ವೀಕ್ಷಿಸುತ್ತಾ ನಿಂತು ಗೌರವ ಸಲ್ಲಿಸಿದಾಗ ಭಾವುಕರಾದರು.ಪಾಕಿಸ್ತಾನ ಮತ್ತು ಪಾಕಿಸ್ತಾನ ಆಕ್ರಮಿತ ಜಮ್ಮು ಮತ್ತು ಕಾಶ್ಮೀರ (ಪಿಒಕೆ) ದಲ್ಲಿರುವ ಭಯೋತ್ಪಾದಕ ಮೂಲಸೌಕರ್ಯಗಳನ್ನು ಗುರಿಯಾಗಿಸಿಕೊಂಡು ಭಾರತೀಯ ಸಶಸ್ತ್ರ ಪಡೆಗಳು ಮೇ 7 ರಂದು ಆಪರೇಷನ್‌ ಸಿಂದೂರ್ ಪ್ರಾರಂಭಿಸಿದವು. ಏಪ್ರಿಲ್ 22 ರಂದು ಪಹಲ್ಲಾಮ್‌ನಲ್ಲಿ 26 ಜೀವಗಳನ್ನು ಬಲಿ ಪಡೆದ ಬರ್ಬರ ಭಯೋತ್ಪಾದಕ ದಾಳಿಗೆ ಪ್ರತೀಕಾರವಾಗಿ ಈ ನಿಖರ ದಾಳಿ ನಡೆಸಲಾಯಿತು.

ಬ್ರೆಜಿಲ್‌ನ ಸಂಗೀತ ತಂಡವೊಂದು ಭಕ್ತಿ ಸಂಗೀತವನ್ನು ಪ್ರದರ್ಶಿಸಿತು, ಇದು ಭಾರತದ ಶ್ರೀಮಂತ ಸಾಂಸ್ಕೃತಿಕ ಮತ್ತು ಆಧ್ಯಾತ್ಮಿಕ ಮೌಲ್ಯಗಳನ್ನು ಪ್ರದರ್ಶಿಸಿತು.ಭಾರತೀಯ ಸಮುದಾಯದ ಜನರಿಂದ ಭವ್ಯ ಸ್ವಾಗತ ಪಡೆದ ಪ್ರಧಾನಿ ಮೋದಿ ಅವರು ಭಾರತೀಯ ವಲಸಿಗರ ಸದಸ್ಯರೊಂದಿಗೆ ಸಂವಾದ ನಡೆಸಿದರು