ಟೆಹ್ರಾನ್: ಯುಎಸ್-ಇಸ್ರೇಲ್-ಇರಾನ್ ನಡುವಿನ ಸಂಘರ್ಷ ಇನ್ನಷ್ಟು ತೀವ್ರತೆ ಪಡೆದುಕೊಂಡಿದ್ದು ಇರಾನ್ ನ ಕ್ಷಿಪಣಿ ತಾಣಗಳನ್ನು ಗುರಿಯಾಗಿಸಿಕೊಂಡ ಅಮೆರಿಕ ಹೊರ್ಮುಜ್ ಜಲಸಂಧಿ ಬಳಿ ಬಂಕರ್ ಬಸ್ಟರ್ ಬಾಂಬ್‌ಗಳನ್ನು ಹಾಕಿದೆ.ಹೊರ್ಮುಜ್ ಜಲಸಂಧಿಯ ಬಳಿಯ ಇರಾನಿನ ಕ್ಷಿಪಣಿ ತಾಣಗಳ ಮೇಲೆ ಅಮೆರಿಕದ ಪಡೆಗಳು 5,000 ಪೌಂಡ್ ಆಳದ ಬಂಕ‌ರ್-ಬಸ್ಟರ್ ಯುದ್ಧಸಾಮಗ್ರಿಗಳನ್ನು “ಯಶಸ್ವಿಯಾಗಿ ಬಳಸಿವೆ” ಎಂದು ಅಮೆರಿಕದ ಕೇಂದ್ರ ಕಮಾಂಡ್ ಬುಧವಾರ ಬೆಳಗ್ಗೆ ಘೋಷಿಸಿದೆ.”ಅಮೆರಿಕ ಪಡೆಗಳು ಇರಾನಿನ ಕ್ಷಿಪಣಿ ತಾಣಗಳಲ್ಲಿ 5,000 ಪೌಂಡ್‌ಗಳ ಆಳವಾದ ನುಗ್ಗುವ ಯುದ್ಧಸಾಮಗ್ರಿಗಳನ್ನು ಯಶಸ್ವಿಯಾಗಿ ಬಳಸಿದವು. ಈ ತಾಣಗಳಲ್ಲಿರುವ ಇರಾನಿನ ಹಡಗು ವಿರೋಧಿ ಕ್ರೂಸ್ ಕ್ಷಿಪಣಿಗಳು ಜಲಸಂಧಿಯಲ್ಲಿ ಅಂತಾರಾಷ್ಟ್ರೀಯ ಸಾಗಣೆಗೆ ಅಪಾಯವನ್ನುಂಟುಮಾಡಿದ್ದವು” ಎಂದು ಟ್ವಿಟ್ ಮಾಡಿದೆ.ಇರಾನ್‌ನ ಭದ್ರತಾ ಮುಖ್ಯಸ್ಥ ಅಲಿ ಲಾರಿಜಾನಿಯವರ ಸಾವಿಗೆ ಸೇಡು ತೀರಿಸಿಕೊಳ್ಳಲು ಇಸ್ರೇಲ್ ಮತ್ತು ಅಮೆರಿಕದ ವಿರುದ್ಧ “ನಿರ್ಣಾಯಕ ದಾಳಿ” ನಡೆಸುವುದಾಗಿ ಇರಾನ್‌ನ ಸೇನಾ ಮುಖ್ಯಸ್ಥ ಅಮೀರ್ ಹತಾಮಿ ಬೆದರಿಕೆ ಹಾಕಿದ್ದಾರೆ. ಮಂಗಳವಾರ ಇಸ್ರೇಲ್ ನಡೆಸಿದ ದಾಳಿಯಲ್ಲಿ ಅಲಿ ಲಾರಿಜಾನಿ ಜತೆಗೆ, ಅವರ ಮಗ ಮತ್ತು ಅವರ ಒಬ್ಬ ಸಹಾಯಕ ಕೂಡ ಸಾವನ್ನಪ್ಪಿದ್ದಾರೆ ಎಂದು ತಿಳಿದು ພ໐໖໖.ಪ್ರತಿಯಾಗಿ ಇರಾನ್ ಟೆಲ್ ಅವೀವ್ ಮೇಲೆ ಇರಾನ್ ಕ್ಷಿಪಣಿ ದಾಳಿ ನಡೆಸಿದ್ದು, ಇಬ್ಬರು ಸಾವನ್ನಪ್ಪಿದ್ದಾರೆ ಎಂದು ಇಸ್ರೇಲ್‌ನ ರಾಷ್ಟ್ರೀಯ ಆಂಬ್ಯುಲೆನ್ಸ್‌ ಸೇವೆಯಾದ ಮ್ಯಾಗೆನ್ ಡೇವಿಡ್ ಅಡೋಮ್ ದೃಢಪಡಿಸಿದೆ.