ನವದೆಹಲಿ: ಸುದೀರ್ಘ ಗಂಟೆಗಳ ಕಾಲ ನಿರಂತರವಾಗಿ ರೈಲು ಚಲಾಯಿಸುವ ಲೋಕೋ ಪೈಲಟ್ಗಳು (Loco Pilots) ತಮ್ಮ ಮೂಲಭೂತ ಅಗತ್ಯಗಳನ್ನು ಹೇಗೆ ಪೂರೈಸಿಕೊಳ್ಳುತ್ತಾರೆ ಎಂಬ ಕುತೂಹಲ ಹಲವರಲ್ಲಿದೆ. ಸಾಮಾನ್ಯವಾಗಿ ರೈಲಿನ ಇಂಜಿನ್ (ಕ್ಯಾಬಿನ್) ಭಾಗದಲ್ಲಿ ಪ್ರಯಾಣಿಕರ ಬೋಗಿಗಳಲ್ಲಿರುವಂತೆ ಶೌಚಾಲಯಗಳಿರುವುದಿಲ್ಲ. ಹೀಗಾಗಿ ತುರ್ತು ಸಂದರ್ಭಗಳಲ್ಲಿ ಅವರು ಅನುಸರಿಸುವ ಪ್ರಕ್ರಿಯೆ ಹಾಗೂ ರೈಲ್ವೆ ಇಲಾಖೆಯ ನಿಯಮಗಳ ಕುರಿತ ಸಂಪೂರ್ಣ ಮಾಹಿತಿ ಇಲ್ಲಿದೆ.
ಲೋಕೋ ಪೈಲಟ್ಗಳ ವಾಶ್ರೂಮ್ ಪ್ರಕ್ರಿಯೆ ಮತ್ತು ವಾಸ್ತವ:
ಕಂಟ್ರೋಲ್ ರೂಮ್ಗೆ ಮಾಹಿತಿ: ಲೋಕೋ ಪೈಲಟ್ಗೆ ವಾಶ್ರೂಮ್ ಅಗತ್ಯ ಬಂದಾಗ ಅವರು ಎಲ್ಲೆಂದರಲ್ಲಿ ರೈಲು ನಿಲ್ಲಿಸುವಂತಿಲ್ಲ. ಬದಲಿಗೆ ತಕ್ಷಣವೇ ಕಂಟ್ರೋಲ್ ರೂಮ್ ಅಥವಾ ಮುಂದಿನ ಸ್ಟೇಷನ್ ಮಾಸ್ಟರ್ಗೆ ಮಾಹಿತಿ ನೀಡಬೇಕಾಗುತ್ತದೆ.
ಅನುಮತಿ ನಂತರ ನಿಲುಗಡೆ: ಅಧಿಕಾರಿಗಳ ಅನುಮತಿ ದೊರೆತ ನಂತರ, ಮುಂದಿನ ಸೂಕ್ತ ನಿಲ್ದಾಣದಲ್ಲಿ ರೈಲು ನಿಲ್ಲಿಸಿ ಅಲ್ಲಿನ ಶೌಚಾಲಯವನ್ನು ಬಳಸಲು ಅವಕಾಶ ನೀಡಲಾಗುತ್ತದೆ.
ದೀರ್ಘ ಪಯಣದ ಸವಾಲು: ಸೂಪರ್ಫಾಸ್ಟ್ ಮತ್ತು ಸರಕು ಸಾಗಣೆ ರೈಲುಗಳು 4-5 ಗಂಟೆಗಳ ಕಾಲ ನಿರಂತರವಾಗಿ ಚಲಿಸುವುದರಿಂದ ಲೋಕೋ ಪೈಲಟ್ಗಳು ತೀವ್ರ ಕಷ್ಟ ಎದುರಿಸುತ್ತಾರೆ ಎಂದು ಸ್ವತಃ ರೈಲ್ವೆಯ ತಾಂತ್ರಿಕ ದಾಖಲೆಗಳೇ ಒಪ್ಪಿಕೊಂಡಿವೆ.
ಆಧುನಿಕ ಬಯೋ-ಟಾಯ್ಲೆಟ್ಗಳ ವ್ಯವಸ್ಥೆ: ಈ ಸಮಸ್ಯೆಗೆ ಪರಿಹಾರವಾಗಿ ಭಾರತೀಯ ರೈಲ್ವೆ ಕೆಲವು ಹೊಸ ಮತ್ತು ಆಧುನಿಕ ಲೋಕೋಮೋಟಿವ್ಗಳಲ್ಲಿ ಬಯೋ-ಟಾಯ್ಲೆಟ್ ಹಾಗೂ ವಾಟರ್ಲೆಸ್ ಯುರಿನಲ್ (ವ್ಯಾಕ್ಯೂಮ್ ಶೌಚಾಲಯ) ಸೌಲಭ್ಯಗಳನ್ನು ಅಳವಡಿಸಲು ಹೆಜ್ಜೆ ಇಟ್ಟಿದೆ.
