ಮೇಯರ್ ಸ್ಥಾನ ಕೈತಪ್ಪಿದ ಬೆನ್ನಲ್ಲೇ ಕೌನ್ಸಿಲರ್ ಸ್ಥಾನಕ್ಕೆ ಆರ್.ಶ್ರೀಲೇಖಾ ರಾಜೀನಾಮೆ?

Picture of Savistara

Savistara

Bureau Report

ತಿರುವನಂತಪುರಂ: ಕೇರಳದ ಮಾಜಿ ಡಿಜಿಪಿ ಹಾಗೂ ಬಿಜೆಪಿಕೌನ್ಸಿಲರ್ ಆರ್. ಶ್ರೀಲೇಖಾ ಅವರು ತಿರುವನಂತಪುರಂ ಮಹಾನಗರ ಪಾಲಿಕೆಯ ಶಾಸ್ತಮಂಗಲಂ ವಾರ್ಡ್‌ನ ಕೌನ್ಸಿಲ‌ರ್ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದಾರೆ. 45 ವರ್ಷಗಳ ಎಡಪಕ್ಷಗಳ ಪ್ರಾಬಲ್ಯವನ್ನು ಕೊನೆಗಾಣಿಸಿ ರಾಜ್ಯ ರಾಜಧಾನಿಯ ನಗರಾಡಳಿತದಲ್ಲಿ ಅಧಿಕಾರಕ್ಕೆ ಬಂದ ತಿಂಗಳುಗಳಲ್ಲೇ ಬಿಜೆಪಿಗೆ ಇದು ದೊಡ್ಡ ಹಿನ್ನಡೆಯಾಗಿದೆ.

ಮೇಯ‌ರ್ ಸ್ಥಾನ ಸಿಗದಿರುವ ಬಗ್ಗೆ ಶ್ರೀಲೇಖಾ ಆರಂಭದಿಂದಲೂ ಅಸಮಾಧಾನ ಹೊಂದಿದ್ದರು ಎನ್ನಲಾಗಿದೆ. ಪಾಲಿಕೆ ಚುನಾವಣೆಯಲ್ಲಿ ಸ್ಪರ್ಧಿಸಲು ತಾವು ಆರಂಭದಲ್ಲಿ ನಿರಾಕರಿಸಿದ್ದರೂ, ಪಕ್ಷದ ನಾಯಕರು ಹಲವು ಬಾರಿ ಮನವಿ ಮಾಡಿದ ಬಳಿಕ ಒಪ್ಪಿಕೊಂಡಿದ್ದಾಗಿ ಅವರು ಈ ಹಿಂದೆ ಹೇಳಿದ್ದರು.

Advertisement

ಅಲ್ಲದೆ, ತಮ್ಮನ್ನು ಕೇವಲ ಕೌನ್ಸಿಲರ್ ಆಗಿ ನೋಡದೆ, ತಿರುವನಂತಪುರಂ ಮಹಾನಗರ ಪಾಲಿಕೆಯಲ್ಲಿ ಬಿಜೆಪಿಯ ಪ್ರಮುಖ ಮುಖವನ್ನಾಗಿ ಮಾಡಲಾಗುವುದು ಹಾಗೂ ಮೇಯರ್ ಹುದ್ದೆಗೆ ಪರಿಗಣಿಸಲಾಗುವುದು ಎಂದು ಪಕ್ಷದ ಮುಖಂಡರು ಭರವಸೆ ನೀಡಿದ್ದರು ಎಂದು ಶ್ರೀಲೇಖಾ ಹೇಳಿದ್ದರು.

Advertisement

ಶನಿವಾರ ಶ್ರೀಲೇಖಾ ಅವರು ತಿರುವನಂತಪುರಂ ಮೇಯರ್ ವಿ.ವಿ. ರಾಜೇಶ್ ಅವರಿಗೆ ರಾಜೀನಾಮೆ ಪತ್ರ ಸಲ್ಲಿಸಿದ್ದಾರೆ. ಸೋಮವಾರ ಜಿಲ್ಲಾಧಿಕಾರಿಗೂ ರಾಜೀನಾಮೆ ಪತ್ರದ ಪ್ರತಿಯನ್ನು ನೀಡುವುದಾಗಿ ತಿಳಿಸಿದ್ದಾರೆ. ಆದರೆ, ಪಾಲಿಕೆ ಕಾರ್ಯದರ್ಶಿಗೆ ರಾಜೀನಾಮೆ ಸಲ್ಲಿಸಿದ ಬಳಿಕವಷ್ಟೇ ಅದು ಅಧಿಕೃತವಾಗಲಿದೆ.

Advertisement

ಶ್ರೀಲೇಖಾ ಅವರನ್ನು ಮನವೊಲಿಸಿ ರಾಜೀನಾಮೆ ಹಿಂಪಡೆಯುವಂತೆ ಮಾಡಲು ಬಿಜೆಪಿ ನಾಯಕತ್ವ ಮಧ್ಯಪ್ರವೇಶಿಸಿದೆ. ಸಮಸ್ಯೆಯನ್ನು ಬಗೆಹರಿಸಲು ಪಕ್ಷಕ್ಕೆ ಸೋಮವಾರದವರೆಗೆ ಸಮಯವಿದೆ.

Advertisement

ವಿ.ವಿ. ರಾಜೇಶ್ ಮೇಯರ್ ಆಯ್ಕೆಯಾದ ಬಳಿಕ ಅಸಮಾಧಾನ:

Advertisement

ತಿರುವನಂತಪುರಂ ಮಹಾನಗರ ಪಾಲಿಕೆಯಲ್ಲಿ ಬಿಜೆಪಿ ಐತಿಹಾಸಿಕ ಗೆಲುವು ಸಾಧಿಸಿ ವಿ.ವಿ. ರಾಜೇಶ್ ಅವರನ್ನು ಮೇಯರ್ ಆಗಿ ಆಯ್ಕೆ ಮಾಡಿದ ಕೆಲವೇ ದಿನಗಳ ಬಳಿಕ ಶ್ರೀಲೇಖಾ ಮೇಯರ್ ಸ್ಥಾನಕ್ಕೆ ಸಂಬಂಧಿಸಿದಂತೆ ತಮ್ಮ ಅಸಮಾಧಾನವನ್ನು ವ್ಯಕ್ತಪಡಿಸಿದ್ದರು.101 ಸದಸ್ಯರಿರುವ ಪಾಲಿಕೆಯಲ್ಲಿ ಬಿಜೆಪಿ 50 ಸ್ಥಾನಗಳನ್ನು ಗೆದ್ದಿದ್ದರೆ, ಸಿಪಿಎಂ ನೇತೃತ್ವದ ಎಲ್‌ಡಿಎಫ್ 29 ಹಾಗೂ ಕಾಂಗ್ರೆಸ್ 19 ಸ್ಥಾನಗಳನ್ನು ಪಡೆದಿತ್ತು.

Advertisement

ಎಡಪಕ್ಷಗಳ ಭದ್ರಕೋಟೆಯಾಗಿದ್ದ ತಿರುವನಂತಪುರಂನಲ್ಲಿ ಬಿಜೆಪಿಯ ಗೆಲುವಿನಲ್ಲಿ ಶ್ರೀಲೇಖಾ ಪ್ರಮುಖ ಪಾತ್ರ ವಹಿಸಿದ್ದರು. ಚುನಾವಣಾ ಪ್ರಚಾರದ ವೇಳೆ ಅವರು ಬಿಜೆಪಿಯ ಪ್ರಮುಖ ಮುಖವಾಗಿ ಕಾಣಿಸಿಕೊಂಡಿದ್ದು, ಶಾಸ್ತಮಂಗಲಂ ವಿಭಾಗದಲ್ಲಿ ಭರ್ಜರಿ ಅಂತರದಿಂದ ಗೆಲುವು ಸಾಧಿಸಿದ್ದರು.

Advertisement

101 ಸದಸ್ಯರ ಕೌನ್ಸಿಲ್‌ನಲ್ಲಿ ಬಿಜೆಪಿಗೆ ಅಲ್ಪ ಬಹುಮತ

101 ಸದಸ್ಯ ಬಲದ ತಿರುವನಂತಪುರಂ ಕಾರ್ಪೊರೇಷನ್‌ನಲ್ಲಿ ಬಿಜೆಪಿಗೆ ಸ್ಪಷ್ಟ ಬಹುಮತ ಇಲ್ಲದ ಕಾರಣ ಈ ರಾಜೀನಾಮೆಯು ಮಹತ್ವ ಪಡೆದುಕೊಂಡಿದೆ.ಪ್ರಸ್ತುತ, ಬಹುಮತಕ್ಕೆ ಅಗತ್ಯವಿರುವ 51 ಸ್ಥಾನಗಳಿಗಿಂತ ಬಿಜೆಪಿ ಒಂದು ಸ್ಥಾನ ಹಿಂದಿದೆ. ಕಳೆದ ಡಿಸೆಂಬರ್‌ನಲ್ಲಿ ಪಕ್ಷವು ಪಕ್ಷೇತರ ಕೌನ್ಸಿಲರ್ ಬೆಂಬಲದೊಂದಿಗೆ ಕಾರ್ಪೊರೇಷನ್‌ ಆಡಳಿತವನ್ನು ರಚಿಸಿತ್ತು. 101 ಸದಸ್ಯ ಬಲದ ಕೌನ್ಸಿಲ್‌ನಲ್ಲಿ ಸ್ವತಂತ್ರ ಕೌನ್ಸಿಲರ್ ಬೆಂಬಲದೊಂದಿಗೆ 51 ಮತಗಳನ್ನು ಪಡೆಯುವ ಮೂಲಕ ವಿ.ವಿ. ರಾಜೇಶ್ ಮೇಯ‌ರ್ ಚುನಾವಣೆಯಲ್ಲಿ ಗೆದ್ದಿದ್ದರು.101 ಸದಸ್ಯ ಬಲದ ತಿರುವನಂತಪುರಂ ಕಾರ್ಪೊರೇಷನ್‌ನಲ್ಲಿ ಶ್ರೀಲೇಖಾ ಅವರ ರಾಜೀನಾಮೆಯಿಂದ ಬಿಜೆಪಿಯ ಬಲವು ಕುಸಿದಿದ್ದು, ಆಡಳಿತ ಪಕ್ಷಕ್ಕೆ ದೊಡ್ಡ ಹಿನ್ನಡೆಯಾಗಿದೆ.

ಮೊದಲ ಮಹಿಳಾ ಐಪಿಎಸ್ ಅಧಿಕಾರಿ:

ಶ್ರೀಲೇಖಾ ಕೇರಳದ ಮೊದಲ ಮಹಿಳಾ ಐಪಿಎಸ್ ಅಧಿಕಾರಿಯಾಗಿದ್ದಾರೆ. ಮೂರು ದಶಕಗಳಿಗೂ ಹೆಚ್ಚು ಕಾಲ ಸರ್ಕಾರಿ ಸೇವೆ ಸಲ್ಲಿಸಿದ ಅವರು 2020ರಲ್ಲಿ ಪೊಲೀಸ್ ಮಹಾನಿರ್ದೇಶಕರಾಗಿ ನಿವೃತ್ತರಾದರು.2024ರ ಅಕ್ಟೋಬರ್‌ನಲ್ಲಿ ಬಿಜೆಪಿಗೆ ಸೇರ್ಪಡೆಯಾದ ಅವರು, ಕೇರಳ ಬಿಜೆಪಿ ಘಟಕದ ಪ್ರಮುಖ ಮುಖಗಳಲ್ಲಿ ಒಬ್ಬರಾಗಿ ಗುರುತಿಸಿಕೊಂಡರು. ಬಳಿಕ ರಾಜ್ಯ ಘಟಕದ ಉಪಾಧ್ಯಕ್ಷರಾಗಿ ನೇಮಕಗೊಂಡಿದ್ದರು.ಮಾಜಿ ಅಧಿಕಾರಿ ಹಾಗೂ ರಾಜಕಾರಣಿಯಾಗಿರುವ ಶ್ರೀಲೇಖಾ ಅವರು ಪ್ರಧಾನಿ ನರೇಂದ್ರ ಮೋದಿ ಅವರೊಂದಿಗೆ ವೇದಿಕೆ ಹಂಚಿಕೊಂಡಿರುವುದು ಕೂಡ ಗಮನ ಸೆಳೆದಿತ್ತು.

[t4b-ticker]
error: Content is protected !!