ಕಾಸರಗೋಡು: ಶನಿವಾರ ನಡೆಯಬೇಕಿದ್ದ ತಿರುವೊಣಂ ಬಂಪರ್ ಬಿಆರ್ 105 ಡ್ರಾವನ್ನು ಕೇರಳ ರಾಜ್ಯ ಲಾಟರಿ ಇಲಾಖೆ ಮುಂದೂಡಿದೆ. ಅ.4ರಂದು ಡ್ರಾ ನಡೆಯಲಿದೆ. ಲಾಟರಿ ಇಲಾಖೆ ಇದನ್ನು ಅಧಿಕೃತವಾಗಿ ಘೋಷಿಸಿದೆ.ಜಿಎಸ್‌ಟಿ ತೆರಿಗೆಯಲ್ಲಿನ ಬದಲಾವಣೆ ಮತ್ತು ಅನಿರೀಕ್ಷಿತ ಭಾರಿ ಮಳೆಯಿಂದಾಗಿ ಸಂಪೂರ್ಣವಾಗಿ ಟಿಕೆಟ್‌ಗಳನ್ನು ಮಾರಾಟ ಮಾಡಲು ಸಾಧ್ಯವಾಗದ ಹಿನ್ನೆಲೆಯಲ್ಲಿ ಡ್ರಾ ದಿನಾಂಕವನ್ನು ಮುಂದೂಡಲು ಏಜೆಂಟರು ಮತ್ತು ಮಾರಾಟಗಾರರು ಮಾಡಿದ ಮನವಿ ಈ ನಿರ್ಧಾರ ಪರಿಗಣಿಸಿ ತೆಗೆದುಕೊಳ್ಳಲಾಗಿದೆ.ಈ ವರ್ಷದ ತಿರು ಓಣಂ ಬಂಪರ್ ಡ್ರಾವನ್ನು ಸೆ:27ರ ಶನಿವಾರ ಮಧ್ಯಾಹ್ನ 2 ಗಂಟೆಗೆ ನಡೆಸಲು ನಿರ್ಧರಿಸಲಾಗಿತ್ತು. ಲಾಟರಿಯಲ್ಲಿ ಜಿಎಸ್‌ಟಿ ಹೆಚ್ಚಳವನ್ನು ಜಾರಿಗೆ ತರಬೇಕೆ ಅಥವಾ ಬೇಡವೇ

ಎಂಬುದರ ಕುರಿತು ಚರ್ಚೆ ನಡೆದಿತ್ತು. ಸದ್ಯಕ್ಕೆ ಜಿಎಸ್‌ಟಿ ಹೆಚ್ಚಿಸದಿರಲು ಸಹ ನಿರ್ಧರಿಸಲಾಯಿತು. ಆದಾಗ್ಯೂ ಇದಕ್ಕೆ ಸಂಬಂಧಿಸಿದಂತೆ ಮಳೆಯಿಂದಾಗಿ ಗೊಂದಲವಿತ್ತು. ಟಿಕೆಟ್‌ಗಳನ್ನು ಮಾರಾಟ ಮಾಡಲು ಸಾಧ್ಯವಿಲ್ಲ ಎಂದು ಏಜೆಂಟರು ಮತ್ತು ಮಾರಾಟಗಾರರು ತಿಳಿಸಿದ್ದಾರೆ.ತಿರು ಓಣಂ ಬಂಪರ್ ಟಿಕೆಟ್‌ ಬೆಲೆ 500 ರೂ. ಮೊದಲ ಬಹುಮಾನ 25 ಕೋಟಿ ರೂ., ಎರಡನೇ ಬಹುಮಾನ 20 ಜನರಿಗೆ ತಲಾ 1 ಕೋಟಿ ರೂ. ಮೂರನೇ ಬಹುಮಾನ 20 ಜನರಿಗೆ ತಲಾ 50 ಲಕ್ಷ ರೂ.. ನಾಲ್ಕನೇ ಬಹುಮಾನ 10 ಸರಣಿಗಳಿಗೆ ತಲಾ 5 ಲಕ್ಷ ರೂ., ಮತ್ತು ಐದನೇ ಬಹುಮಾನ 10 ಸರಣಿಗಳಿಗೆ ತಲಾ 2 ಲಕ್ಷ ರೂ. ಇದಲ್ಲದೆ ಅದೃಷ್ಟಶಾಲಿ ವಿಜೇತರಿಗೆ ಡ್ರಾ ಮೂಲಕ 5000, 2000, 1000 ಮತ್ತು 500 ರೂ.ಗಳ ಹಲವಾರು ಬಹುಮಾನಗಳನ್ನು ನೀಡಲಾಗುವುದು.