ಐವರ್ನಾಡು: ಐವರ್ನಾಡು ಹಾಗೂ ಸುತ್ತಮುತ್ತಲಿನ ಪರಿಸರದಲ್ಲಿ ಕಾಡಾನೆ ಉಪಟಳ ತಡೆಗಟ್ಟಲು, ಇತರೆ ವನ್ಯಜೀವಿಗಳ ಹಾವಳಿಯನ್ನು ತಡೆಗಟ್ಟಲು ಹಾಗೂ ರೈತರ ಹಿತರಕ್ಷಣೆ ಕಾಪಾಡುವ ನಿಟ್ಟಿನಲ್ಲಿ ಐವರ್ನಾಡಿನಲ್ಲಿ ಇಂದು “ಕೃಷಿಕ ಹಿತರಕ್ಷಣಾ ಸಮಿತಿ”ಯನ್ನು ಅಧಿಕೃತವಾಗಿ ರಚಿಸಲಾಗಿದ್ದು, ಇದರ ಸಂಚಾಲಕರಾಗಿ ಶ್ರೀ ಕೃಷ್ಣ ಪ್ರಸಾದ್ ಮಡ್ತಿಲ ಅವರನ್ನು ಆಯ್ಕೆ ಮಾಡಲಾಗಿದೆ.
ನಿನ್ನೆಯಷ್ಟೇ (ಸೆಪ್ಟೆಂಬರ್ 8) ಸಂಚಾಲಕರಾದ ಕೃಷ್ಣ ಪ್ರಸಾದ್ ಮಡ್ತಿಲ ಅವರು ಕೃಷಿಕರ ನಿಯೋಗದೊಂದಿಗೆ ಪುತ್ತೂರು ACF ಹಾಗೂ RFO ಅವರನ್ನು ಖುದ್ದಾಗಿ ಭೇಟಿಯಾಗಿ ಮನವಿ ಸಲ್ಲಿಸಿದರು. ಈ ವೇಳೆ ಅಧಿಕಾರಿಗಳು ಐವರ್ನಾಡಿಗೆ ಭೇಟಿ ನೀಡಿ, ಶೀಘ್ರದಲ್ಲೇ ಕಾರ್ಯಾಗಾರ ನಡೆಸುವ ಹಾಗೂ ಸಮಸ್ಯೆಗೆ ಸ್ಪಂದಿಸುವ ಸಕಾರಾತ್ಮಕ ಭರವಸೆ ನೀಡಿದ್ದರು. ಇದರ ಮುಂದುವರಿದ ಭಾಗವಾಗಿ, ಕೃಷಿಕರಿಗೆ ಆಗುತ್ತಿರುವ ಸವಾಲುಗಳನ್ನು ಪರಿಹಾರ ಆಧಾರಿತ ವಿಧಾನಗಳೊಂದಿಗೆ ಬಗೆಹರಿಸಲು ಕೃಷಿಕರೆಲ್ಲರೂ ಒಗ್ಗೂಡಿ ಈ ಸಮಿತಿಯನ್ನು ಅಸ್ತಿತ್ವಕ್ಕೆ ತಂದಿದ್ದಾರೆ. ಕಾಡಾನೆಗಳ ನಿರಂತರ ದಾಳಿಯಿಂದಾಗಿ ಐವರ್ನಾಡು – ಸುತ್ತಮುತ್ತಲಿನ ಪರಿಸರದಲ್ಲಿ ಬೆಳೆ ನಷ್ಟ ಉಂಟಾಗುತ್ತಿದ್ದು, ನಷ್ಟ ಅನುಭವಿಸಿದ ಕೃಷಿಕರಿಗೆ ಸೂಕ್ತ ಪರಿಹಾರ ನೀಡುವ ನಿಟ್ಟಿನಲ್ಲಿ ಅರಣ್ಯ ಇಲಾಖೆಯೊಂದಿಗೆ ಸಂಪರ್ಕದಲ್ಲಿರಲು ಮತ್ತು ಮುಂದಿನ ಹೋರಾಟದ ರೂಪುರೇಷೆಗಳನ್ನು ಸಿದ್ಧಪಡಿಸಲು ಸಂಚಾಲಕರ ನೇತೃತ್ವದಲ್ಲಿ ಈ ಸಮಿತಿಯು ಕಾರ್ಯನಿರ್ವಹಿಸಲಿದೆ.
ಕೃಷಿಕ ಹಿತರಕ್ಷಣಾ ಸಮಿತಿ, ಐವರ್ನಾಡು – ಪದಾಧಿಕಾರಿಗಳ ವಿವರ:
ಸಂಚಾಲಕರು: ಶ್ರೀ ಕೃಷ್ಣ ಪ್ರಸಾದ್ ಮಡ್ತಿಲ
ಸಹ ಸಂಚಾಲಕರು: ಸಾತ್ವಿಕ್ ಕುದುಂಗು, ಗಣೇಶ್ ಕೊಚ್ಚಿ
ಸಮಿತಿಯ ಸದಸ್ಯರು:ಅಶೋಕ್ ಎಡಮಲೆ
ಸುಧಾಕರ ಕೊಚ್ಚಿ
ಮುರಳೀಧರ ಕೊಚ್ಚಿ
ಹೊನ್ನಪ್ಪ ಉದ್ದಂಪಾಡಿ
ಮೋಹಕ್ ಹಸಿಯಡ್ಕ
ಮಹೇಶ ಹುಲಿಮನೆ
ಭರತ್ಕುಮಾರ್ ಚಲ್ಲತ್ತಡಿ, ಕೊಂಕುಳಿ
ರಾಮಚಂದ್ರ ಪಲ್ಲತ್ತಡ್ಕ
ರಂಜಿತ್ ಮೂಲೆತೋಟ
ದೇವಿದಾಸ ಕತ್ಲಡ್ಕ
ಜಗದೀಶ್ ಕೋಲ್ಚಾರ್
ದಯಾನಂದ ಶೇಣಿ ದೇರಾಜೆ
ಗಣೇಶ್ ಭಜಂತಡ್ಕ ಮಡ್ತಿಲ
ನವೀನ ಚಾತುಬಾಯಿ
ಯತೀಶ್ ಕುಮಾರ್ ಕೋಂದ್ರಮಜಲು
ರೈತರ ಸಮಸ್ಯೆಗಳಿಗೆ ಸ್ಪಂದಿಸಲು ಅರಣ್ಯ ಇಲಾಖೆಯೊಂದಿಗೆ ಸಮನ್ವಯ ಸಾಧಿಸಲು ಈ ಸಮಿತಿ ರಚಿಸಲಾಗಿದೆ.
