ಮುಂಬೈ: ಕಚ್ಚಾ ತೈಲ ಬೆಲೆ ಇಳಿಕೆ ಹಾಗೂ ಬ್ಲೂ-ಚಿಪ್‌ಗಳ ಖರೀದಿಯ ನಂತರ ದೇಶೀಯ ಷೇರು ಸೂಚ್ಯಂಕಗಳಾದ ಸೆನ್ಸೆಕ್ಸ್ ಮತ್ತು ನಿಫ್ಟಿ ಬುಧವಾರದ ಆರಂಭಿಕ ವಹಿವಾಟಿನಲ್ಲಿ ಚೇತರಿಕೆ ಕಂಡಿವೆ.

ಮಂಗಳವಾರ ವಹಿವಾಟಿನಲ್ಲಿ ಷೇರು ಮಾರುಕಟ್ಟೆ ತೀವ್ರ ಕುಸಿತವನ್ನು ಕಂಡಿತ್ತು.30 ಷೇರುಗಳ ಬಿಎಸ್‌ಇ ಸೆನ್ಸೆಕ್ಸ್ 187.63 ಅಂಶ ಏರಿಕೆ ಕಂಡು 76,388.31 0 0.ಹಾಗೆಯೇ ರಾಷ್ಟ್ರೀಯ ಷೇರುಪೇಟೆ ಎನ್‌ಎಸ್‌ಇ ನಿಫ್ಟಿ 57.75 ಅಂಶ ಏರಿಕೆಯಾಗಿ 23,878.85 ಅಂಶಕ್ಕೆ ತಲುಪಿದೆ.

ಟೆಕ್‌ ಮಹೀಂದ್ರಾ, ಐಸಿಐಸಿಐ ಬ್ಯಾಂಕ್‌, ಟ್ರೆಂಟ್, ಇನ್ಫೋಸಿಸ್, ಟಾಟಾ ಕನ್ಸಲೆನ್ಸಿ ಸರ್ವೀಸಸ್ ಮತ್ತು ಕೋಟಕ್ ಮಹೀಂದ್ರಾ ಬ್ಯಾಂಕ್ ಏರಿಕೆ ಕಂಡಿವೆ.

ಮಾರುತಿ, ಭಾರ್ತಿ ಏ‌‌ಟೆಲ್, ಎನ್‌ಟಿಪಿಸಿ ಮತ್ತು ಟಾಟಾ ಸ್ಟೀಲ್‌ಗಳು ಹಿನ್ನಡೆ ಅನುಭವಿಸಿದವು.

ಕಚ್ಚಾ ತೈಲ ಬೆಲೆ ಇಳಿಕೆ:

ಜಾಗತಿಕ ತೈಲ ಮಾನದಂಡವಾದ ಬ್ರೆಂಟ್ ಕಚ್ಚಾ ತೈಲದ ಬೆಲೆಯು ಬ್ಯಾರಲ್‌ಗೆ 76.29 ಡಾಲರ್‌ಗೆ ಇಳಿಕೆ ಆಗಿದೆ. ಪ್ರತಿ ಬ್ಯಾರೆಲ್‌ಗೆ ಶೇ 1.02ರಷ್ಟು ಇಳಿಕೆಯಾಗಿದೆ.’ಬ್ರೆಂಟ್ ಕಚ್ಚಾ ತೈಲದ ಬೆಲೆ 77 ಡಾಲರ್‌ಗಿಂತ ಕಡಿಮೆಯಾಗಿದ್ದು, ಭಾರತದ ಮೇಲಿನ ಪ್ರತಿಕೂಲ ಪರಿಣಾಮಗಳನ್ನು ನಿವಾರಿಸಿದೆ. ರೂಪಾಯಿ ಮೌಲ್ಯ ಸ್ಥಿರವಾಗಿದೆ. ಎಫ್‌ಐಐ ಮಾರಾಟ ಕಡಿಮೆಯಾಗಿದೆ. ಇದು ಮಾರುಕಟ್ಟೆಯ ಮೇಲೆ ಧನಾತ್ಮಕ ಪರಿಣಾಮ ಬೀರಿದೆ’ ಎಂದು ಷೇರು ಮಾರುಕಟ್ಟೆಯ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.ಮಂಗಳವಾರ ಸೆನ್ಸೆಕ್ಸ್ 893.39 ಪಾಯಿಂಟ್ ಕುಸಿದು 76,200.68 ಅಂಶಕ್ಕೆ ತಲುಪಿತ್ತು. ನಿಫ್ಟಿ 278.80 ಪಾಯಿಂಟ್ ಇಳಿಕೆಯಾಗಿ 23,824.10ಕ್ಕೆ ವಹಿವಾಟು ಕೊನೆಗೊಂಡಿತ್ತು.