ಸುಬ್ರಹ್ಮಣ್ಯ:ರಾಜ್ಯದ ಅತ್ಯಂತ ಪ್ರಸಿದ್ಧ ಹಾಗೂ ಗರಿಷ್ಠ ಆದಾಯ ತರುವ ಪವಿತ್ರ ಧಾರ್ಮಿಕ ಕ್ಷೇತ್ರವಾದ ಕುಕ್ಕೆ ಸುಬ್ರಹ್ಮಣ್ಯದಲ್ಲಿ ಅಕ್ರಮ ಪೂಜಾ ಕೈಂಕರ್ಯಗಳ ದಂಧೆ ದಿನೇ ದಿನೇ ಮಿತಿಮೀರಿದ್ದು, ದೇವಸ್ಥಾನದ ಪವಿತ್ರತೆಗೆ ಧಕ್ಕೆ ತರುವ ಜೊತೆಗೆ ಭಕ್ತಾದಿಗಳ ಆಕ್ರೋಶಕ್ಕೂ ಕಾರಣವಾಗಿದೆ.ಕ್ಷೇತ್ರಕ್ಕೆ ಆಗಮಿಸುವ ಮುಗ್ಧ ಭಕ್ತಾದಿಗಳನ್ನು ಗುರಿಯಾಗಿಸಿಕೊಂಡು, ದೇವಸ್ಥಾನದ ಆಸುಪಾಸಿನ ಗಲ್ಲಿ-ಗಲ್ಲಿಗಳಲ್ಲಿ ಅಕ್ರಮ ಹೋಮಕುಂಡಗಳು ಹಾಗೂ ಯಾಗಶಾಲೆಗಳು ಅಣಬೆಗಳಂತೆ ತಲೆಎತ್ತಿವೆ.
ಸಿಕ್ಕ-ಸಿಕ್ಕ ಜಾಗದಲ್ಲೇ ‘ಅಕ್ರಮ ಯಾಗಶಾಲೆ’ಸುಬ್ರಹ್ಮಣ್ಯ ಪರಿಸರದ ಖಾಸಗಿ ಮನೆಗಳ ಸಿಟೌಟ್, ಕಾರ್ ಸೆಡ್, ಪಂಪ್ ಸೆಡ್ಗಳು ಹಾಗೂ ಮಹಡಿಗಳ ಮೇಲಷ್ಟೇ ಅಲ್ಲದೆ, ಸಿಕ್ಕಸಿಕ್ಕ ಜಾಗಗಳಲ್ಲೆಲ್ಲ ನಿಯಮಬಾಹಿರವಾಗಿ ದಿನಕ್ಕೊಂದು ಪೂಜಾ ಮಂಟಪಗಳು ಸೃಷ್ಟಿಯಾಗುತ್ತಿವೆಯಾವುದೇ ಅನುಮತಿಯಿಲ್ಲದೆ ಈ ಅಕ್ರಮ ಹೋಮ-ಹವನಗಳನ್ನು ನಡೆಸಲಾಗುತ್ತಿದೆ. ಪೂಜೆ ಹೆಸರಿನಲ್ಲಿ ಭಕ್ತರಿಂದ ಲಕ್ಷಾಂತರ ರೂಪಾಯಿ ಪೀಕುವ ಮೂಲಕ ಸುಲಿಗೆ ಕೋರರ ಜಾಲ ಸಕ್ರಿಯವಾಗಿದೆ ಇದರಿಂದಾಗಿ ದೇವಸ್ಥಾನದ ಪವಿತ್ರತೆಗೆ ದಕ್ಕೆ ಉಂಟಾಗುತ್ತಿದೆ .ಆಡಳಿತ ಮಂಡಳಿ, ಅಧಿಕಾರಿಗಳ ಮೌನ: ಪ್ರಭಾವಿಗಳ ಕೈವಾಡ?ಇಷ್ಟೆಲ್ಲಾ ಅಕ್ರಮಗಳು ದೇವಸ್ಥಾನದ ಮೂಗಿನ ತುದಿಯಲ್ಲೇ ನಡೆಯುತ್ತಿದ್ದರೂ, ದೇವಸ್ಥಾನದ ಆಡಳಿತ ಮಂಡಳಿ ಹಾಗೂ ಕಾರ್ಯನಿರ್ವಹಣಾಧಿಕಾರಿಗಳು ಸೂಕ್ತ ಕ್ರಮ ವಹಿಸುವಂತೆ ಒತ್ತಾಯಿಸಿದ್ದು ಈ ಇಡೀ ಅಕ್ರಮ ದಂಧೆಯ ಹಿಂದೆ ಕೆಲವು ಪ್ರಭಾವಿ ಹಾಗೂ ಪ್ರತಿಷ್ಠಿತ ವ್ಯಕ್ತಿಗಳ ಕೈವಾಡವಿದೆ ಎಂಬ ಮಾತು ಸಾರ್ವಜನಿಕರ ಮಧ್ಯ ವ್ಯಕ್ತವಾಗುತ್ತಿದೆ ದೇವಸ್ಥಾನದ ಪವಿತ್ರತೆಗೆ ಧಕ್ಕೆ ತರುತ್ತಿದ್ದರೂ ಯಾವುದೇ ಕಠಿಣ ಕ್ರಮ ಕೈಗೊಳ್ಳದಿರುವುದು ಸಾರ್ವಜನಿಕರಲ್ಲಿ ಹಲವು ಅನುಮಾನಗಳಿಗೆ ಆಸ್ಪದ ಮಾಡಿಕೊಟ್ಟಿದೆ.”ಇದು ಕರ್ನಾಟಕದ ಅತ್ಯಂತ ಪವಿತ್ರ ಧಾರ್ಮಿಕ ಕ್ಷೇತ್ರಕ್ಕೆ ಮಾಡುತ್ತಿರುವ ಅಪಚಾರ. ದೇವಸ್ಥಾನದ ಹೆಸರಿನಲ್ಲಿ ನಡೆಯುತ್ತಿರುವ ಈ ಸುಲಿಗೆ ದಂಧೆಗೆ ತಕ್ಷಣವೇ ಮುಕ್ತಿ ಸಿಗಬೇಕು. ತಾಲೂಕು ಆಡಳಿತ, ಮುಜರಾಯಿ ಇಲಾಖೆ ಹಾಗೂ ದೇವಸ್ಥಾನದ ಕಾರ್ಯನಿರ್ವಹಣಾಧಿಕಾರಿಗಳು ತಕ್ಷಣವೇ ಜಾಗೃತರಾಗಿ, ಅಕ್ರಮ ಯಾಗಶಾಲೆಗಳ ಮೇಲೆ ದಾಳಿ ನಡೆಸಿ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಬೇಕು.” ಭಕ್ತಾದಿಗಳು ಹಾಗೂ ಸಾರ್ವಜನಿಕರುಭಕ್ತಾದಿಗಳಲ್ಲಿ ವಿನಂತಿಸಿದ್ದಾರೆ ಧಾರ್ಮಿಕ ಕ್ಷೇತ್ರದ ಸೌಹಾರ್ದತೆ, ಪರಂಪರೆ ಮತ್ತು ಪವಿತ್ರತೆಯನ್ನು ಉಳಿಸಲು ಮುಜರಾಯಿ ಇಲಾಖೆ ಹಾಗೂ ಜಿಲ್ಲಾಡಳಿತ ಈಗಲಾದರೂ ಕಠಿಣ ಕೈಗೊಳ್ಳಬೇಕೆಂದು ಸಾರ್ವಜನಿಕರು ಆಗ್ರಹಿಸುತ್ತಿದ್ದಾರೆ
