ಹೊಸದಿಲ್ಲಿ:ಜಿಎಸ್‌ಟಿ ಪರಿಷ್ಕರಣೆಯಿಂದ ಆಗುವ ಲಾಭವನ್ನು ಗ್ರಾಹಕರಿಗೆ ಮುಟ್ಟಿಸಲು ಮಾರುತಿ ಸುಜುಕಿ ಇಂಡಿಯಾ ತನ್ನ ವಾಹನಗಳ ಬೆಲೆಯನ್ನು ಗಣನೀಯವಾಗಿ ಕಡಿಮೆ ಮಾಡಿದೆ. ವಾಹನಗಳ ಬೆಲೆ 46,400 ರೂ.ನಿಂದ 1.29 ಲಕ್ಷರೂ, ತನಕ ಇಳಿಕೆ ಆಗಲಿದೆ. ಪರಿಷ್ಕೃತ ದರವು ಸೆಪ್ಟೆಂಬರ್ 22ರಿಂದ ಜಾರಿಗೆ ಬರುತ್ತದೆ ಎಂದು ಕಂಪನಿ ಗುರುವಾರ ತಿಳಿಸಿದೆ.

ಆಲ್ಟೋ ಕೆ 10ರ ದರದಲ್ಲಿ 1,07,600 ರೂ.ವರೆಗೆ ಕಡಿತವಾಗಿದೆ.

ಇದರ ಆರಂಭಿಕ ಬೆಲೆ 3,69,900 ರೂ. ಆಗಿದೆ. ಸೆಲೆರಿಯೊ 94,100 ರೂ. ವ್ಯಾಗನ್ ಆರ್ 79,600 ರೂ. ಮತ್ತು ಇಗ್ನಿಸ್ ದರ 71,300 ರೂ. ತನಕ ಇಳಿಕೆಯಾಗಲಿದೆ. ಪ್ರೀಮಿಯಂ ಹ್ಯಾಚ್ ಬ್ಯಾಕ್ ಸ್ವಿಫ್ಟ್ ಬೆಲೆ 84,600 , ಬಲೆನೋ 86,100 ರೂ., ಟೂರ್ ಎಸ್ 67,200 ರೂ., ಡಿಜೈರ್ 87,700 ರೂ., ಗ್ರಾಂಡ್ ವಿಟಾರಾ 1.07 ಲಕ್ಷ. ರೂ., ಓಮಿನಿ 51,900 ರೂ., ಎರ್ಟಿಗಾ 46,400 . ಮತ್ತು ಎಕ್ಸ್ ಎಲ್‌ಎಲ್6- 52 ಸಾವಿರ ರೂ. ತನಕ ಕಡಿಮೆ ಆಗಲಿದೆ.ಮಹೀಂದ್ರಾ, ಟಾಟಾ ಮೋಟಾರ್ಸ್, ಹ್ಯುಂಡೈ ಮೋಟಾರ್ ಇಂಡಿಯಾ, ಕಿಯಾ, ಜಾಗ್ವಾರ್, ಲ್ಯಾಂಡ್ ರೋವರ್, ಮರ್ಸಿಡೆಸ್ ಬೆಂಜ್ ಇಂಡಿಯಾ, ಬಿಎಂಡಬ್ಲ್ಯೂ ಸೇರಿದಂತೆ ಹಲವು ವಾಹನ ತಯಾರಿಕಾ ಕಂಪನಿಗಳು ಕೂಡ ದರ ಇಳಿಕೆಯನ್ನು ಘೋಷಿಸಿವೆ.