ತಿರುಪತಿ ದೇವರ ಪ್ರಸಾದ ಲಡ್ಡುವಿನಲ್ಲಿ ಕಲಬೆರಕೆ ಆಗುತ್ತಿದೆ ಎನ್ನುವ ಸುದ್ದಿಗಳು ಹರಿದಾಡುತ್ತಿದೆ. ಈ ಹಿನ್ನೆಲೆಯಲ್ಲಿ ಇ-ಮೂಗು ಹಾಗೂ ಇ-ನಾಲಗೆ ಎನ್ನುವ ಎರಡು ಯಂತ್ರಗಳನನ್ನು ತಿರುಮಲಕ್ಕೆ ತರಲಾಗುತ್ತಿದೆ.ಹೌದು, ಇ-ಟಂಗ್ ಮತ್ತು ಇ-ನೋಸ್ ಎಂಬ ಸುಧಾರಿತ ಯಂತ್ರಗಳನ್ನು ಫ್ರಾನ್ಸ್ನಿಂದ 3.5 ಕೋಟಿ ರೂ. ವೆಚ್ಚದಲ್ಲಿ ಆಮದು ಮಾಡಿಕೊಳ್ಳಲಾಗುತ್ತಿದೆ.ಹೆಸರೇ ಸೂಚಿಸುವಂತೆ ಇವು ಮಾನವ ಮೂಗು ಮತ್ತು ನಾಲಿಗೆಯಂತೆ ಕಾರ್ಯನಿರ್ವಹಿಸುವ ಗ್ಯಾಸ್ ಮತ್ತು ರಾಸಾಯನಿಕ ಸೆನ್ಸಾರ್ಗಳ ಗುಂಪಾಗಿದೆ.
ಆಹಾರ ಉದ್ಯಮದಲ್ಲಿ ಉತ್ಪನ್ನದ ಗುಣಮಟ್ಟ, ಸ್ಥಿರವಾದ ರುಚಿ ಮತ್ತು ಸುವಾಸನೆ ನಿರ್ಣಾಯಕ. ಏಕೆಂದರೆ ಇವು ಮಾರ್ಕೆಟಿಂಗ್ ತಂತ್ರವನ್ನು ನಿರ್ಧರಿಸುವ ಅಂಶಗಳಾಗಿವೆ. ಇತ್ತೀಚಿನ ಉಪಕರಣಗಳು ಡೈರಿ ಉದ್ಯಮ ಮತ್ತು ಆಹಾರ ವಲಯಗಳು ನಿರ್ದಿಷ್ಟ ಉತ್ಪಾದಕತೆಯ ಗುರಿಗಳನ್ನು ಸಾಧಿಸಲು ಸಹಾಯ ಮಾಡುತ್ತವೆ. ನಿರ್ದಿಷ್ಟವಾಗಿ ಹೇಳುವುದಾದರೆ ಈ ಯಂತ್ರಗಳು ಉತ್ಪನ್ನದ ಗುಣಮಟ್ಟ ಮತ್ತು ಗ್ರಾಹಕರ ಆದ್ಯತೆಗಳ ಮೇಲೆ ಹೆಚ್ಚು ಗಮನಹರಿಸುತ್ತವೆ.ಮನುಷ್ಯರ ಮೂಗು ಹಾಗೂ ನಾಲಗೆಯಂತೆ ಈ ಮಶೀನ್ಗಳು ಕಾರ್ಯನಿರ್ವಹಿಸುತ್ತವೆ. ಇವು ವಾಸನೆಯ ಆಧಾರದ ಮೇಲೆ ಘನ, ದ್ರವ, ಅರೆ-ಘನ ಮತ್ತು ಅನಿಲ ಹಂತಗಳಂತಹ ವಿಭಿನ್ನ ಭೌತಿಕ ಸ್ಥಿತಿಗಳಲ್ಲಿ ಆಹಾರದ ಅಸ್ಥಿರ ಘಟಕಗಳನ್ನು ವಿಶ್ಲೇಷಿಸಬಹುದು. ಇದರಿಂದಾಗಿ ಇನ್ಮುಂದೆ ಲಡ್ಡುವಿನಲ್ಲಿ ಯಾವುದೇ ಸಮಸ್ಯೆ ಇರೋದಕ್ಕೆ ಸಾಧ್ಯವೇ ಇಲ್ಲ.
