ಮೈಸೂರು ದಸರಾ ಅಂಬಾರಿ ವಿವಾದ ಸಂಬಂಧ ಹಿರಿಯ ಕಾಂಗ್ರೆಸ್ ನಾಯಕ ತನ್ವೀರ್ ಸೇಠ್ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಯತೀಂದ್ರ ಸಿದ್ದರಾಮಯ್ಯ ಅವರ ಹೇಳಿಕೆಗೆ ಪ್ರತಿಕ್ರಿಯಿಸಿ, ಮೈಸೂರು ಅರಮನೆ ಮತ್ತು ಒಡೆಯರ್ ರಾಜವಂಶದ ಸಾಂಸ್ಕೃತಿಕ ಪರಂಪರೆಯನ್ನು ಸಮರ್ಥಿಸಿಕೊಂಡಿದ್ದಾರೆ.
ಅಂಬಾರಿ ಸಂಪ್ರದಾಯ ವಿಜಯನಗರ ಕಾಲದಿಂದ ಬಂದಿದ್ದು, ಕೇವಲ ಹಣದಿಂದ ಅದನ್ನು ಅಳೆಯಲು ಸಾಧ್ಯವಿಲ್ಲ ಎಂದಿದ್ದಾರೆ ಮೈಸೂರು ದಸರಾ ಅಂಬಾರಿ ವಿಚಾರವಾಗಿ ಯತೀಂದ್ರ ಸಿದ್ದರಾಮಯ್ಯ ನೀಡಿದ್ದ ಹೇಳಿಕೆಗೆ ತನ್ವೀರ್ ಸೇಠ್ ಅವರು ತೀವ್ರವಾಗಿ ಪ್ರತಿಕ್ರಿಯಿಸಿದ್ದಾರೆ.
ಮೈಸೂರು ಅಂಬಾರಿ ಒಡೆಯರ್ ವಂಶದ ಹೆಮ್ಮೆಯ ಸಂಕೇತವಾಗಿದ್ದು, ಸರ್ಕಾರ ಹಣ ನೀಡಿದ ಮಾತ್ರಕ್ಕೆ ಅದು ಸರ್ಕಾರದ ಆಸ್ತಿ ಆಗುವುದಿಲ್ಲ ಎಂದು ಅವರು ಹೇಳಿದ್ದಾರೆ. ಚಾಮುಂಡೇಶ್ವರಿ ದೇವಿಯ ಮೆರವಣಿಗೆಗೆ ರಾಜವಂಶಸ್ಥರ ಪಾತ್ರವನ್ನು ಗೌರವಿಸಬೇಕು ಎಂದು ಅವರು ಆಗ್ರಹಿಸಿದ್ದಾರೆ.
