3 ಉಗ್ರರ ಪಾಕ್ ಮೂಲ ದೃಢಪಡಿಸುವ ಸಾಕ್ಷ್ಯ ಸಂಗ್ರಹ: ಅಧಿಕಾರಿಗಳು
ಶ್ರೀನಗರ: ಆಪರೇಷನ್ ಮಹಾದೇವ ವೇಳೆ ಹತರಾಗಿದ್ದಪಹಲ್ಲಾಮ್ ದಾಳಿಕೋರರು, ಪಾಕಿಸ್ಥಾನಿ ನಾಗರಿಕರು ಎಂದು ದೃಢ-ಪಡಿ ಸುವ ಸಾಕ್ಷ್ಯಗಳನ್ನು ಭದ್ರತಾ ಪಡೆ ಗಳು ಸಂಗ್ರಹಿಸಿವೆ ಎಂದು ಅಧಿಕಾರಿಗಳು ಸೋಮವಾರ ತಿಳಿಸಿದ್ದಾರೆ.ಹತರ ಬಳಿ ದೊರೆತ ಪಾಕಿಸ್ಥಾನ ಸರಕಾರದಿಂದ ನೀಡಲಾದ ಮತ-ದಾರರ ಗುರುತಿನ ಚೀಟಿಯಂತಹ ದಾಖಲೆಗಳು, ಬಯೋಮೆಟ್ರಿಕ್‌ ಮತ್ತು ಸ್ಯಾಟೆಲೈಟ್ ಕರೆ ದತ್ತಾಂಶಗಳು, ಜಿಪಿಎಸ್ ವೇಪಾಯಿಂಟ್‌ಗಳು, ಪಾಕಿಸ್ಥಾನದಲ್ಲಿ ತಯಾರಾದಂತಹ ಚಾಕಲೇಟ್‌ಗಳು, ಸಾಕ್ಷಿಗಳ ಹೇಳಿಕೆ ಸೇರಿ ವಿವಿಧ ದಾಖಲೆಗಳು ಹತರಾದ ಉಗ್ರರು ಸ್ಥಳೀಯರಲ್ಲ, ಬದಲಾಗಿ ಪಾಕಿಸ್ಥಾನಕ್ಕೆ ಸೇರಿದವರು ಎಂದು ದೃಢಪಡಿಸುವಲ್ಲಿ ನೆರವಾಗಿದೆ.ಯಾವುದೇ ಸಂಶಯಕ್ಕೆ ಆಸ್ಪದ ನೀಡದಂತೆ, ಪಹಲ್ಲಾಮ್ ದಾಳಿ-ಕೋರರ ರಾಷ್ಟ್ರೀಯತೆಯನ್ನು ಮೊದಲ ಬಾರಿಗೆ ದೃಢಪಡಿಸುವಂ ತಹ ಪಾಕಿಸ್ಥಾನ ಸರಕಾರದಿಂದ ನೀಡಲಾದ ದಾಖಲೆಗಳು ನಮ್ಮ ಕೈಯಲ್ಲಿವೆ ಎಂದು ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
