ವಾಷಿಂಗ್ಟನ್ : ಇಸ್ರೇಲ್ ನಡೆಸಿದ ದಾಳಿಯಲ್ಲಿ ಇರಾನ್
ಸೇನಾ ಮುಖ್ಯಸ್ಥ ಮೊಹಮ್ಮದ್ ಬಫೇರಿ ಮತ್ತು ಕ್ರಾಂತಿಕಾರಿ ಗಾರ್ಡ್ ಕಮಾಂಡರ್ ಹೊಸೇನ್ ಸಲಾಮಿ ಸೇರಿದಂತೆ ಹಲವಾರು ಜನರು ಸಾವನ್ನಪ್ಪಿದ ಬಳಿಕ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಇರಾನ್ಗೆ ಕಠಿನ ಎಚ್ಚರಿಕೆ ನೀಡಿದ್ದು, ಅಮೆರಿಕವು ವಿಶ್ವದ ಅತ್ಯಂತ ಮಾರಕ ಆಯುಧಗಳನ್ನು ತಯಾರಿಸುತ್ತದೆ ಮತ್ತು ಅವುಗಳಲ್ಲಿ ಹಲವು ಇಸ್ರೇಲ್ನಲ್ಲಿವೆ, ಅದನ್ನು ಹೇಗೆ ಬಳಸಬೇಕೆಂದು ಅವರಿಗೆ ತಿಳಿದಿದೆ” ಎಂದು ಸಾಮಾಜಿಕ ತಾಣದಲ್ಲಿ ಶುಕ್ರವಾರ ಪೋಸ್ಟ್ ಮಾಡಿದ್ದಾರೆ.
“ನಾನು ಇರಾನ್ಗೆ ಪರಮಾಣು ಒಪ್ಪಂದ ಮಾಡಿಕೊಳ್ಳಲು ಒಂದಾದ ನಂತರ ಒಂದರಂತೆ ಅವಕಾಶಗಳನ್ನು ನೀಡಿದ್ದೇನೆ. ನಾನು ಅವರಿಗೆ, ಅತ್ಯಂತ ಕಠಿನ ಪದಗಳಲ್ಲಿ, “ಪರಮಾಣು ಒಪ್ಪಂದ ಮಾಡಿ” ಎಂದು ಹೇಳಿದೆ, ಎಷ್ಟೇ ಪ್ರಯತ್ನಿಸಿದರೂ, ಎಷ್ಟೇ ಹತ್ತಿರವಾದರೂ, ಅವರು ಅದನ್ನು ಪೂರ್ಣಗೊಳಿಸಲು ಸಾಧ್ಯವಾಗಲಿಲ್ಲ” ಎಂದು ಆಕ್ರೋಶ ಹೊರ ಹಾಕಿದ್ದಾರೆ.
ಫಾಕ್ಸ್ ನ್ಯೂಸ್ ನೊಂದಿಗೆ ಮಾತನಾಡಿದ ಟ್ರಂಪ್ “ಇರಾನ್ ಪರಮಾಣು ಬಾಂಬ್ ಹೊಂದಲು ಸಾಧ್ಯವಿಲ್ಲ ಮತ್ತು ನಾವು ಮಾತುಕತೆ ಮೇಜಿಗೆ ಮರಳಲು ಆಶಿಸುತ್ತಿದ್ದೇವೆ. ನೋಡೋಣ. ಇರಾನ್ ಮಾತುಕತೆ ಮರಳುತ್ತದೆ ಎಂದು
ಆಶಿಸುತ್ತೇನೆ” ಎಂದು ಹೇಳಿಕೊಂಡಿದ್ದಾರೆ.
