ನವದೆಹಲಿ: ಹೊಸ ‘ಸೇಫ್ಟಿ ಓವರ್ವ್ಯೂ’ (ಸುರಕ್ಷತೆ ಅವಲೋಕನ) ಟೂಲ್ಅನ್ನು ವಾಟ್ಯಾಪ್ ಪರಿಚಯಿಸಿದೆ. ಕಾಂಟ್ಯಾಕ್ಟ್ ಲಿಸ್ಟ್ನಲ್ಲಿ ಇಲ್ಲದವರು ನಿಮ್ಮನ್ನು ದಿಢೀರನೆ ಅಪರಿಚಿತ ಗ್ರೂಪ್ ಗೆ ಸೇರಿಸಿದರೆ ಇದು ಮುನ್ನೆಚ್ಚರಿಕೆ ಸಂದೇಶ ನೀಡುತ್ತದೆ. ಆ ಗ್ರೂಪ್ ಬಗೆಗಿನ ಮಾಹಿತಿ ನೀಡುವುದಲ್ಲದೆ, ಸುರಕ್ಷತೆ ಕುರಿತು ಸಲಹೆ ನೀಡುತ್ತದೆ. ಗ್ರೂಪ್ನ ನೋಟಿಫಿಕೇಷನ್ಗಳನ್ನು ಮ್ಯೂಟ್ ಮಾಡಲಾಗುತ್ತದೆ. ಬಳಕೆದಾರರು ಗ್ರೂಪ್ನಲ್ಲಿನ ಚಾಟ್ ನೋಡದೆ ನಿರ್ಗಮಿಸಬಹುದು.ಒಂದು ವೇಳೆ ಗ್ರೂಪ್ ಪರಿಶೀಲಿಸಬೇಕೆನಿಸಿದರೆ, ಚಾಟ್ ನೋಡಿ ನಂತರ ಮುಂದುವರಿಯಬೇಕೋ, ನಿರ್ಗಮಿಸಬೇಕೋ ಎಂಬುದನ್ನು ನಿರ್ಧರಿಸಬಹುದು. ಈ ಮಧ್ಯೆ, 2025ರ ಮೊದಲ ಆರು ತಿಂಗಳಲ್ಲಿ, ವಂಚನೆ ಕೇಂದ್ರಗಳಿಗೆ ಸಂಬಂಧಿಸಿದ 68 ಲಕ್ಷ ಖಾತೆಗಳನ್ನು ವಾಟ್ಯಾಪ್ ನಿಷೇಧಿಸಿದೆ. ಕಾಂಬೋಡಿಯಾದ ವಂಚನೆ ಕೇಂದ್ರದಿಂದ ನಡೆಯುತ್ತಿದ್ದ ಕೃತ್ಯಗಳನ್ನು ತಡೆಯಲಾಗಿದೆ. ನಕಲಿ ಲೈಕ್ಗಳಿಗೆ ಪೇಮೆಂಟ್, ಕ್ರಿಸ್ಟೋಕರೆನ್ಸಿ ಹೂಡಿಕೆ ಮುಂತಾದ ಆಮಿಷ ಒಡ್ಡಲಾಗುತ್ತಿತ್ತು.
