ಜಗತ್ತಿಗೆ ಶಾಕ್ ಮೇಲೆ ಶಾಕ್ ನೀಡಿದ ಪುಟಿನ್ – ಟ್ರಂಪ್! 3 ಗಂಟೆ ಮಾತುಕತೆ, ಯಾವುದೇ ಡೀಲ್ ಇಲ್ಲ, ಭಾರತಕ್ಕೆ ರಿಲೀಫ್? ಉಕ್ರೇನ್ಗೆ ಶಾಕ್!ಇಡೀ ಜಗತ್ತೇ ಕಾತುರದಿಂದ ಕಾಯುತಿದ್ದ ವ್ಲಾಡಿಮರ್ ಪುಟಿನ್ – ಡೊನಾಲ್ಡ್ ಟ್ರಂಪ್ ಸಭೆ ಮುಗಿದಿದೆ. ಎರಡು ವೈರಿ ರಾಷ್ಟ್ರಗಳ ಮುಖ್ಯಸ್ಥರ ಸಭೆ ಹಲವು ಕಾರಣಕ್ಕೆ ವಿಶ್ವದ ಗಮನ ಸೆಳೆದಿತ್ತು. ರಷ್ಯಾ – ಉಕ್ರೇನ್ ನಡುವೆ ಯುದ್ಧ ವಿರಾಮದ ಬಗ್ಗೆ ಅಮೆರಿಕ ಅಧ್ಯಕ್ಷ ಟ್ರಂಪ್ ಹಾಗೂ ರಷ್ಯಾ ಅಧ್ಯಕ್ಷ ಪುಟಿನ್ ಅಲಾಸ್ಕಾದಲ್ಲಿ ಮೀಟ್ ಆಗಿ ಮಾತುಕತೆ ನಡೆಸಿದ್ದಾರೆ. ಇಬ್ಬರ ನಡುವಿನ ಮಾತುಕತೆ ರೋಚಕವಾಗಿರಲಿದೆ, ಅತ್ಯಂತ ತೀಕ್ಷ್ಣವಾಗಿರಲಿದೆ ಎಂದು ಎಲ್ಲರೂ ಭಾವಿಸಿದ್ದರು. ಅದಲ್ಲದೇ ಒಂದ್ವೇಳೆ ಮಾತುಕತೆ ಹಳಿ ತಪ್ಪಿದರೆ ಎದ್ದು ಹೊರಬರ್ತಿನಿ ಅಂತಾ ಟ್ರಂಪ್ ಎಚ್ಚರಿಕೆಯನ್ನು ನೀಡಿದ್ದರಿಂದ ಜಗತ್ತು ಅಲಾಸ್ಕಾದಲ್ಲಿ ಏನೋ ಆಗಿಬಿಡುತ್ತೆ ಇವತ್ತು ಅಂತಾ ಕಣ್ಣು ರೆಪ್ಪೆ ಮಿಟುಕಿಸದೇ ಕಾದು ಕುಳಿತಿದ್ದರು. ಆದರೆ, ಇಬ್ಬರು ನಾಯಕರ ನಡುವಿನ ಆತ್ಮೀಯ ಸ್ವಾಗತ ಮತ್ತು ಸ್ನೇಹಮಯ ದೃಶ್ಯಗಳು ಎಲ್ಲರ ಕಲ್ಪನೆಗಳನ್ನು, ಊಹೆಗಳನ್ನು ತಲೆಕೆಳಗಾಗಿಸಿದ್ದವು. ಯಾವುದೇ ಒಪ್ಪಂದಕ್ಕೆ ಇಬ್ಬರು ನಾಯಕರು ಬಂದಿಲ್ಲವಾದರೂ ಈ ಭೇಟಿ ಹಲವು ಕಾರಣಕ್ಕೆ ಇಡೀ ಜಗತ್ತಿಗೆ ಒಂದಿಷ್ಟು ನೆಮ್ಮದಿಯನ್ನು ನೀಡಿದಂತೆ ಕಾಣುತ್ತಿದೆ. ಅದರಲ್ಲೂ ಭಾರತಕ್ಕೆ ಅಲಾಸ್ಕಾದಲ್ಲಿ ನಡೆದ ಘಟನೆಗಳು ರಿಲೀಫ್ ನೀಡಿರುವ ಸಾಧ್ಯತೆ ಇದೆ. ಉಕ್ರೇನ್ಗಂತೂ ಈ ಸಭೆ ದೊಡ್ಡ ಆಘಾತ ತಂದಿದೆ.
