ಭಾರತೀಯ ಮನೆಗಳಲ್ಲಿ ಕೂದಲಿಗೆ ಎಣ್ಣೆ ಹಚ್ಚುವುದು ಒಂದು ಪುರಾತನ ಸಂಪ್ರದಾಯ. ಕೂದಲು ಆರೋಗ್ಯವಾಗಿ ಮತ್ತು ಹೊಳೆಯುವಂತೆ ಇರಲು ಎಣ್ಣೆ ಹಚ್ಚುವುದು ಅಗತ್ಯ. ಆದರೆ, ಎಣ್ಣೆಯನ್ನು ರಾತ್ರಿಯಿಡೀ ತಲೆಯಲ್ಲಿಯೇ ಬಿಡಬೇಕೇ, ಬೆಳಿಗ್ಗೆ ಹಚ್ಚಬೇಕೇ ಅಥವಾ ಸ್ನಾನಕ್ಕೆ ಮುನ್ನ ಹಚ್ಚಬೇಕೇ ಎಂಬ ಗೊಂದಲ ಸಾಮಾನ್ಯ. ಎಣ್ಣೆ ಹಚ್ಚುವುದರಿಂದ ಕೂದಲು ವೇಗವಾಗಿ ಬೆಳೆಯುತ್ತದೆ ಎಂಬುದಕ್ಕೆ ಯಾವುದೇ ಬಲವಾದ ವೈಜ್ಞಾನಿಕ ಪುರಾವೆಗಳಿಲ್ಲ. ಎಣ್ಣೆಯ ಪ್ರಯೋಜನವು ನೀವು ಬಳಸುವ ಎಣ್ಣೆಯ ಪ್ರಕಾರ, ಪ್ರಮಾಣ ಹಾಗೂ ನಿಮ್ಮ ನೆತ್ತಿಯ ಸ್ಥಿತಿಯನ್ನು ಅವಲಂಬಿಸಿರುತ್ತದೆ.
ಸ್ನಾನಕ್ಕೂ ಮುನ್ನ ಎಣ್ಣೆ ಹಚ್ಚುವುದು: ಸ್ನಾನ ಮಾಡುವ 30 ನಿಮಿಷದಿಂದ ಕೆಲವು ಗಂಟೆಗಳ ಮುನ್ನ ಎಣ್ಣೆ ಹಚ್ಚುವುದು ಅತ್ಯಂತ ಸೂಕ್ತ. ಇದು ಕೂದಲಿಗೆ ಅಗತ್ಯವಾದ ಪೋಷಣೆ ನೀಡುತ್ತದೆ. ತಲೆಗೆ ತೆಂಗಿನ ಎಣ್ಣೆ ಬಳಸುವುದು ಪ್ರೋಟೀನ್ ನಷ್ಟವನ್ನು ತಡೆದು, ಹಾನಿಯಿಂದ ರಕ್ಷಿಸುತ್ತದೆ.
ರಾತ್ರಿಯಿಡೀ ಬಿಡುವುದು ಸೂಕ್ತವೇ?: ರಾತ್ರಿಯಿಡೀ ಎಣ್ಣೆ ಹಚ್ಚಿಕೊಂಡು ಮಲಗುವುದರಿಂದ ಕೂದಲು ಬೇಗ ಬೆಳೆಯುವುದಿಲ್ಲ. ಬದಲಿಗೆ, ದೀರ್ಘಕಾಲ ಎಣ್ಣೆ ಬಿಡುವುದರಿಂದ ನೆತ್ತಿಯಲ್ಲಿ ಧೂಳು ಸೇರಿ, ಜಿಡ್ಡು, ತುರಿಕೆ ಹಾಗೂ ಹೊಟ್ಟು (ಸಿಪ್ಪೆ ಸುಲಿಯುವಿಕೆ) ಉಂಟಾಗಬಹುದು.
ಎಷ್ಟು ಎಣ್ಣೆ ಬಳಸಬೇಕು?: ಹೆಚ್ಚಿನ ಪ್ರಮಾಣದ ಎಣ್ಣೆ ಬಳಸುವ ಅಗತ್ಯವಿಲ್ಲ. ಅಗತ್ಯಕ್ಕಿಂತ ಹೆಚ್ಚು ಎಣ್ಣೆ ಹಚ್ಚಿದರೆ ಅದನ್ನು ತೊಳೆಯಲು ಹೆಚ್ಚು ಶಾಂಪೂ ಬಳಸಬೇಕಾಗುತ್ತದೆ, ಇದು ಕೂದಲನ್ನು ಒಣಗಿಸುತ್ತದೆ. ದುಬಾರಿ ಉತ್ಪನ್ನಗಳಿಗಿಂತ ಸಾಮಾನ್ಯ ತೆಂಗಿನ ಎಣ್ಣೆಯೇ ಸಾಕು.
ನಿಮ್ಮ ಕೂದಲಿನ ಪ್ರಕಾರಕ್ಕೆ ತಕ್ಕಂತೆ ಎಣ್ಣೆ ಬಳಸಿ:
ಒಣ ಕೂದಲು: ಕೂದಲಿನ ಉದ್ದ ಹಾಗೂ ತುದಿಗಳಿಗೆ ಸ್ವಲ್ಪ ಎಣ್ಣೆ ಹಚ್ಚಿ.
ಎಣ್ಣೆಯುಕ್ತ ನೆತ್ತಿ (Oily Scalp): ನೆತ್ತಿಗೆ ಹೆಚ್ಚು ಎಣ್ಣೆ ಹಚ್ಚುವುದನ್ನು ತಪ್ಪಿಸಿ.ಸಾಮಾನ್ಯ ಕೂದಲು: ಸ್ನಾನಕ್ಕೆ 30 ನಿಮಿಷಗಳ ಮೊದಲು ಎಣ್ಣೆ ಹಚ್ಚಿ ನಂತರ ತಲೆ ತೊಳೆಯಿರಿ.
