ಬೆಂಗಳೂರು: ರಾಜ್ಯ ಪೊಲೀಸ್ ಇಲಾಖೆಯ ಎಲ್ಲ ಕಾನ್ಸ್‌ಸ್ಟೆಬಲ್, ಹೆಡ್ ಕಾನ್ ಸ್ಟೆಬಲ್‌ಗಳಿಗೆ ‘ಬ್ಲೂ ಬಣ್ಣದ ಪೀಕ್ ಕ್ಯಾಪ್’ ಅ.28ರಿಂದ ವಿತರಿಸಲಾಗುತ್ತಿದೆ. ಸಿಎಂ ಸಿದ್ದರಾಮಯ್ಯ ಹಾಗೂ ಗೃಹ ಸಚಿವ ಡಾ. ಜಿ.ಪರಮೇಶ್ವರ ನೇತೃತ್ವದಲ್ಲಿ ವಿಧಾನಸೌಧದ ಬ್ಯಾಂಕ್ವೆಟ್‌ಹಾಲ್‌ನಲ್ಲಿ ಮಂಗಳವಾರ ನಡೆಯಲಿರುವ ಕಾರ್ಯಕ್ರಮದಲ್ಲಿ 200 ಸಿವಿಲ್ ಕಾನ್‌ಸ್ಟೆಬಲ್, 200 ಟ್ರಾಫಿಕ್‌ ಸಿಬ್ಬಂದಿ ಸೇರಿ ವಿವಿಧ ಯುನಿಟ್ ಗಳ 600 ಸಿಬ್ಬಂದಿಗೆ ಸಾಂಕೇತಿಕವಾಗಿ ಬ್ಲೂ ಬಣ್ಣದ ಪೀಕ್ ಕ್ಯಾಪ್ ವಿತರಣೆ ಮಾಡಲಾಗುತ್ತಿದೆ. ನಂತರ ಜಿಲ್ಲೆ, ತರಬೇತಿ, ನೇಮಕಾತಿ ಸೇರಿ 35 ಯುನಿಟ್ ಗಳ ಸಿಬ್ಬಂದಿಗೆ ತಿಂಗಳೊಳಗಾಗಿ ವಿತರಣೆಯಾಗಲಿದೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.